சாபங்கள் நீங்க குமரியில் வழிபடவேண்டிய குகநாதீஸ்வரர் கோவில் - முருகன் தோஷம் நீங்க சிவனை வழிபட்ட தலம்

ன்னியாகுமரி ரயில் நிலயத்திற்கு அருகில், பகவதி அம்மன் கோவிலில் இருந்து சுமார் ஒரு கிலோமீட்டர் தொலைவில் இருக்கிறது குகநாதீஸ்வரர் கோவில்.

இந்த சிவன் கோவிலில் மூலவர் குகநாதீஸ்வரர் என்னும் பெயரில் கிழக்கு நோக்கி லிங்க வடிவில் சிவன் அரள் பாலிக்கிறார். இவர் கோனாண்டேஸ்வரன் என்றும், குகனாண்டேஸ்வரன் என்றும் அழைக்கப்படுகிறார். அன்னை பார்வதி தெற்கு நோக்கி பக்தர்களுக்கு அருள்புரிகிறார்.

இந்த கோவில் கருவறை, அர்த்தமண்டபம், முகமண்டபம் மற்றும் வெளிப்பிராகாரம் உள்ளிட்ட அமைப்புடைய இதன் கட்டுமானம், சோழர் பாணி கட்டிடக்கலையுடன் காட்சியளிப்பதாக ஆய்வாளர்கள் கூறுகின்றனர்.

கோவிலின் உட்பிரகாரத்தில் பார்வதி, லிங்கோத்பவர், தட்சிணாமூர்த்தி, துர்க்கை, சண்டிகேஸ்வரர். பைரவர் மற்றும் நவக்கிரகங்கள் காட்சியளிக்கின்றனர். கோவிலின் வெளிப் பிரகாரத்தில் கன்னிமூலை கணபதி, மகாலட்சுமி, முருகன் வள்ளி-தெய்வானையுடன் காட்சியளிக்கும் சன்னதிகள் இருக்கின்றன.

கோவிலில் நாள்தோறும் கோ பூஜை நடத்தப்படுகிறது. புரட்டாசி திருவாதிரை நட்சத்திரத்தில் 1008 சங்காபிஷேகம் நடத்தப்படுகிறது. அத்துடன் சங்கடஹர சதுர்த்தி, கிருத்திகை, விசாகம், சஷ்டி, பஞ்சமி, திருவாதிரை, பிரதோஷம், சோமவாரம், அமாவாசை, பவுர்ணமி மற்றம் அஷ்டமி நாட்களில் இங்கு சிறப்பு பூஜைகள் நடைபெறுகின்றன.

முருகப் பெருமான் தன் அன்னை பார்வதியின் வழிகாட்டல் படி, தனது தோஷம் நீங்குவதற்காக இங்கே சிவலிங்கத்தை உருவாக்கி வழிபட்டார் என்று ஸ்தல வரலாறு சொல்கிறது. அந்த அளவிற்குபுகழ்பெற்ற திருத்தலமா இந்த குகநாதீஸ்வரர் கோவில் திகழ்கிறது. முருகப் பெருமான் குகன் என்ற பெயரில் நாதனை வழிபட்டதால் குகநாதீஸ்வரர் என்று அழைப்படுவதாகவும் சொல்லப்படுகிறது.

இந்த கோவிலில் 11 திங்கட்கிழமை தொடர்ந்து வந்து, முக்கடலும் சங்கமிக்கும் திரிவேணி சங்கமத்தில் நீராடி, கோவிலின் கருவறை தீபத்திற்கு பசுநெய் வழங்கி வழிபட்டால் குரு சாபம், மாத்ரு சாபம், பித்ரு சாபம், சுமங்கலி சாபம் மற்றும் முதியவர்களை மதிக்காததால் வரும் தோஷம் ஆகியவை நீங்கும் என்கிறனர் பக்தர்கள்.