உலகம் முழுவதும் கொரோனாவால் பாதிக்கப்பட்டோர் எண்ணிக்கை 38 லட்சத்தை நெருங்கியது!

உலகம் முழுவதும் கொரோனாவால் பாதிக்கப்பட்டோர் எண்ணிக்கை 38 லட்சத்தையும், உயிரிழப்பு 2 லட்சத்து 60 ஆயிரத்தையும் நெருங்கியுள்ளது. குணமடைந்து வீடு திரும்பியோர் எண்ணிக்கை 12 லட்சத்து 56 ஆயிரமாக அதிகரித்துள்ளது. படம்: Reuters

அமெரிக்காவில் பாதிப்பு 12 லட்சத்து 38ஆயிரமாகவும், உயிரிழப்பு 72 ஆயிரமாகவும் அதிகரித்துள்ள நிலையில், குணமடைந்தோர் எண்ணிக்கை 2 லட்சத்தை கடந்துள்ளது.

அமெரிக்காவுக்கு அடுத்தபடியாக அதிக உயிரிழப்புகளை சந்தித்துள்ள நாடாக பிரிட்டன் உருவெடுத்துள்ளது.

இதன்மூலம் உயிரிழந்தோர் பட்டியலில் இத்தாலி 3வது இடத்துக்கு சென்றுள்ளது.ஸ்பெயினில் உயிரிழப்பு 26 ஆயிரத்தை நெருங்கியுள்ளது.

ரஷ்யாவில் 4வது நாளாக புதிதாக தொற்று கண்டறியப்பட்டோர் எண்ணிக்கை பத்தாயிரத்தை கடந்துள்ளது. இதன்மூலம் அந்நாட்டில் பாதிக்கப்பட்டோர் எண்ணிக்கை ஒரு லட்சத்து 65 ஆயிரத்தை தாண்டியுள்ளது.

ஒரு லட்சம் பாதிப்புகளை கடந்த 10வது நாடாக ஈரான் மாறியுள்ளது.