அதிபர் தேர்தல் உச்சநீதிமன்றத்தில் தான் முடியும் - அமெரிக்க அதிபர் டிரம்ப் கணிப்பு

2020 ஆம் ஆண்டிக்கான அமெரிக்க அதிபர் தேர்தல் உச்சநீதிமன்றத்தில் தான் முடிவடையும் என்று அதிபர் டிரம்ப் கூறியுள்ளார்.

வெள்ளை மாளிகையில் செய்தியாளர்களைச் சந்தித்த டிரம்ப், தபால் வாக்கு என்பது ஒரு ஜனநாயக மோசடி என்று குறிப்பிட்டார்.

அந்த மோசடிக்கு தீர்வு காண உச்சநீதிமன்றத்தின் முடிவு தேவைப்படும் என்றும் டிரம்ப் கூறியுள்ளார்.

உச்சநீதிமன்ற நீதிபதியாக இருந்த ரூத் பேடர் கின்ஸ்பர்க் (ruth bader ginsburg) காலமான நிலையில் நீதிபதி குறித்த அறிவிப்பை சனிக்கிழமையன்று வெளியிட இருப்பதாகவும் அதிபர் டிரம்ப் தெரிவித்துள்ளார்.