அமெரிக்க அதிபர் ட்ரம்ப் 10 ஆண்டுகளாக வரி செலுத்தவில்லை என புகார்

அமெரிக்க அதிபர் டொனால்ட் ட்ரம்ப் பல ஆண்டுகளாக வருமான வரி செலுத்தவில்லை என்று குற்றச்சாட்டு எழுந்துள்ளது.

அமெரிக்காவைச் சேர்ந்த நியூயார்க் டைம்ஸ் நாளிதழ் வெளியிட்டுள்ள செய்தியில், அதிபர் ட்ரம்ப், கடந்த 15 ஆண்டுகளில் 10 ஆண்டுகள் வருமான வரி செலுத்தவில்லை என்றும் தனது வணிகம் முழுவதும் இழப்பைச் சந்தித்ததாகக் கூறி வருமானத்தை ட்ரம்ப் குறைத்துக் காட்டியதாகவும் குறிப்பிடப்பட்டுள்ளது.

ஆனால், இந்தக் குற்றச்சாட்டை மறுத்துள்ள ட்ரம்ப், இது பொய்யான செய்தி என்றும் தனக்கு கிடைத்த வருமானத்திற்கு முறையாக வரி செலுத்தியிருப்பதாகவும் கூறியுள்ளார்.

மேலும், ஜனநாயக கட்சியின் அதிபர் வேட்பாளரான ஜோ பைடனின் மகன் ஹண்டருக்கு சீனா மற்றும் ரஷ்யாவிலிருந்து 3.5 மில்லியன் டாலர் பணம் வந்திருப்பதாகவும், இதுகுறித்து ஊடகங்கள் பேச மறுப்பதாகவும் ட்ரம்ப் சாடியுள்ளார்.