ட்ரம்ப் - ஜோ பைடன் நேரடி விவாதம்: சூடுபிடிக்கும் அமெரிக்க தேர்தல் களம்..

அமெரிக்க அதிபர் தேர்தலில் போட்டியிடும் டொனால்டு டிரம்ப், ஜோ பைடன் இடையேயான முதலாவது நேரடி விவாதம் இன்று நடைபெறுகிறது.

நவம்பர் மாதத்தில் நடைபெறும் அதிபர் தேர்தலில் குடியரசுக் கட்சி சார்பில் தற்போதைய அதிபர் டொனால்டு டிரம்ப்பும், ஜனநாயக கட்சி சார்பில் ஜோ பைடனும் போட்டியிடுகின்றனர்.

தேர்தலுக்கு முன்னதாக வேட்பாளர்களுக்கு இடையே 3 முறை நேருக்கு நேர் விவாதம் நடைபெறும். இதன்படி, முதலாவது விவாத நிகழ்ச்சி, அமெரிக்க நேரப்படி இன்று இரவு 9 மணி முதல் 10.30 மணிவரை நடைபெறும்.

அப்போது ஒவ்வொருவரும் தங்களது வாக்குறுதிகள் மற்றும் திட்டங்களைத் தெரிவிப்பார்கள். பிரச்சாரத்தின்போது இருவரும் பரஸ்பரம் குற்றம்சாட்டி வரும் நிலையில், விவாத நிகழ்ச்சி மிகுந்த எதிர்பார்ப்பை ஏற்படுத்தியுள்ளது.