நியூசிலாந்தில் விநாயகர் கோவில்!

நியூசிலாந்தின் கிறிஸ்சர்ச் பகுதியில் வாழும் தமிழர்களால் விநாயகர் கோவில் கட்டப்பட்டுள்ளது. இதற்காக கடந்த 2018-ம் ஆண்டு ஸ்ரீ கணேஷ் டெம்பிள் ட்ரஸ்ட் (Sri Ganesh Temple Trust) உருவாக்கப்பட்டுள்ளது. அங்குள்ள குழந்தைகளுக்கும் இளைஞர்களுக்கும் இந்து கலாச்சாரம் மற்றும் சமயம் குறித்து புரிதலை ஏற்படுத்துவதற்காக இது தொடங்கப்பட்டுள்ளது.

2019-ம் ஆண்டு முதல் ஸ்ரீ கணேஷ் கோவில் அறக்கட்டளை மூலம் பூஜைகள் நடத்தப்பட்டு வந்துள்ளது. அறக்கட்டளை நிர்வாகிகள் மற்றும் நிர்வாக குழுவினர் ஒவ்வொரு மாதமும் இரண்டாம் சனிக்கிழமையில் பூஜைகளை நடத்தி வருகின்றனர்.

இந்து பண்டிகைகளையும் தொடர்ந்து கொண்டாடி வருகின்றனர். கடந்த 5 வருடங்களாக பூஜைகள் மற்றும் குழந்தைகளுக்கு யோகா வகுப்புகளையும் நடத்தி வருகின்றனர்.

அறக்கட்டளை மூலம் 2022-ம் ஆண்டு வரை திரட்டிய நிதியை கொண்டு விநாயகர் கோவில் கட்டுமானத்திற்காக நிலங்களை வாங்கி பணிகளை மேற்கொண்டனர். கட்டுமானப்பணிகள் முழுவதுமாக நிறைவடைந்த நிலையில் கடந்த டிசம்பர் 11-ம் தேதி புதுப்பிக்கப்பட்ட இந்த கோயில் வளாகத்தில் பூஜைகள் நடத்தப்பட்டது.

இதற்காக அப்பகுதி மக்களுக்கு அழைப்பு விடுக்கப்பட்டது. அதிகாலை 6 மணிக்கு வாஸ்துசாந்தி பூஜை, புண்ணியஜானம், லக்‌ஷ்மி பூஜை மற்றும் கணபதி ஹோமம் நடத்தப்பட்டது. இதனையடுத்து சாமி அபிஷேகம், அலங்காரம் மற்றும் மகாதீபம் காட்டப்பட்டது. பக்தர்கள் பஜனை பாடினர். பக்தர்களின் பரத நாட்டிய நடனமும் நடந்தது.

விநாயகர் கோவிலில் நடந்த பொங்கல் விழா

விநாயகர் கோவிலில் நடந்த வரலட்சுமி பூஜைகள்

நடன நிகழ்ச்சி