குடும்பத்தில் மட்டுமே 15000 பேராம்.. கோடிக்கணக்கில் கொட்டிக்கிடக்கும் பணம்.. உலகின் பணக்கார அரச குடும்பங்களின் லிஸ்ட்!

முதல் இடத்தில் புருனேயின் ராயல் ஹவுஸ் உள்ளது. புருனேயில் ஒரு சுல்தான் இருக்கிறார், அவர் பெயர் ஹசனல் போல்கியா. அவரது வீடு உலகின் மிகப்பெரிய வீடு என்று நம்பப்படுகிறது. புருனேயின் அரச குடும்பத்தின் சொத்து மதிப்பு 28 பில்லியன் டாலர்கள். சுல்தானிடம் பல தனியார் ஜெட் விமானங்கள், நூற்றுக்கணக்கான கார்கள் இருப்பதாக கூறப்படுகிறது

தாய்லாந்தின் அரச குடும்பம் - தாய்லாந்து மன்னரின் பெயர் மஹா வஜிரலோங்கோர்ன். தாய்லாந்து 1782 முதல் சக்ரி வம்சத்தால் ஆளப்படுகிறது. இந்த அரச குடும்பத்தின் சொத்து மதிப்பு 30-60 பில்லியன் டாலர்கள்.

பிரிட்டிஷ் அரச குடும்பம் - ஒரு காலத்தில் பாதி உலகை ஆண்ட பிரிட்டிஷ் அரச குடும்பம் இந்தப் பட்டியலில் அடுத்த இடத்தில் உள்ளது. இரண்டாம் எலிசபெத் மகாராணியின் மரணத்திற்குப் பிறகு, மன்னர் மூன்றாம் சார்லஸ் இப்போது இங்கிலாந்தின் மன்னராக உள்ளார். இந்த குடும்பத்தின் சொத்து மதிப்பு 88 பில்லியன் டாலர்கள்.

அபுதாபி அரச குடும்பம் - நான்காவது இடத்தில் அபுதாபி அரச குடும்பம் உள்ளது. இந்த குடும்பத்தின் தலைவர் கலீஃபா பின் சயீத் அல் நஹ்யான் ஆவார். 2004 முதல் ஐக்கிய அரபு அமீரகத்தின் (UAE) அதிபராகவும் உள்ளார். குடும்பத்தின் மொத்த சொத்து மதிப்பு 150 பில்லியன் டாலர்கள்.

கத்தார் ராயல் ஹவுஸ்- கத்தார் தானி ராயல் ஹவுஸால் ஆளப்படுகிறது. ஷேக் தமீம் பின் ஹமத் அல் தானி தலைமை தாங்குகிறார். இந்த குடும்பம் 1850 முதல் கத்தாரை ஆட்சி செய்து வருகிறது. நியூயார்க்கின் புகழ்பெற்ற கட்டிடமான எம்பயர் ஸ்டேட் கட்டிடத்தில் இந்தக் குடும்பத்துக்கு பங்கு உள்ளது குறிப்பிடத்தக்கது. மொத்த சொத்து மதிப்பு 335 பில்லியன் டாலர்கள்.

குவைத் அரச குடும்பம் - குவைத் அல்-சபா அரச குடும்பத்தால் ஆளப்படுகிறது. இதன் தலைவர் ஷேக் சபா IV அகமது அல்-ஜபீர் அல்-சபா. இவர் குவைத்தின் தற்போதைய அமீர். இந்த குடும்பத்தின் சொத்து மதிப்பு 360 பில்லியன் டாலர்கள்.

சவுதி அரேபிய அரச குடும்பம் - இது உலகின் பணக்கார அரச குடும்பம். இந்த குடும்பம் 1744 முதல் சவுதியை ஆட்சி செய்து வருகிறது. குடும்பத்தின் மொத்த சொத்து மதிப்பு 1.4 லட்சம் கோடி டாலர்கள் (டிரில்லியன்). இந்தக் குடும்பத்தில் மொத்தம் 15000 பேர் இருப்பதாக நம்பப்படுகிறது.