சீனாவில் வழக்கமான உற்சாகத்துடன் கொண்டாடப்பட்ட இலையுதிர்கால திருவிழா - படங்கள்

சீன நிலவு நாற்காட்டியின் 8வது மாதத்தில் வரும் 15வது நாளை இலையுதிர் கால திருவிழாவாக சீனர்கள் கொண்டாடி வருகின்றனர். பிரிந்த குடும்ப உறுப்பினர்கள் மீண்டும் ஒன்று சேர்வதை கொண்டாடும் வகையில் இந்த திருவிழா நடத்தப்படுகிறது.

இந்த ஆண்டின் திருவிழா செவ்வாயன்று நடைபெற்றது. திருவிழா நிகழ்வுகளை அந்நாட்டு ஊடக குழு ஒளிபரப்பியது. வழக்கமான உற்சாகத்துடன் சீன பாரம்பரிய பாடல்கள் ஒலித்தன. சீன இசைக் கலைஞர்கள் பாரம்பரிய இசையை இசைக்க, நாடகங்களையும் கலைஞர்கள் அரங்கேற்றினர்.

அறுவடை திருவிழாவாகவும் கருதப்படும் இதில், சீனாவின் 100 பிரபலங்கள் பங்கேற்று the rising moon என்ற பாடலை பாடினர். அப்போது பின்னணியில் வாணவேடிக்கை இரவை பகலாக்கியது.

ஒலிம்பிக், விண்வெளி ஆகியவற்றில் சீனா நிகழ்த்தியுள்ள சாதனைகளை குறிக்கும் வகையில் வண்ணமயமான லேசர் உதவியுடன் கூடிய நிகழ்ச்சி பார்வையாளர்களை மெய்சிலிர்க்க வைத்தது.

தெற்கு சீனாவில் உள்ள ஷென்ஷென் நகரமே விழாக்கோலம் பூண்டது. பாரம்பரியம் மாறாத பழமையான இசைக்கருவிகளுடன் தொழிற்நுட்பத்தையும் புகுத்தி கோலாகல கொண்டாட்டங்களில் சீனர்கள் ஈடுபட்டனர். ஏராளமான டிரோன்களை பயன்படுத்தி முயல் போன்ற வடிவமும் ஏற்படுத்தப்பட்டது.