வடகொரியாவில் 20 ஆண்டுக்குப் பின் அறிமுகமாகும் ஹாரி பாட்டர்

ஹாரி பாட்டர் புத்தகம் வெளியாகி 20 ஆண்டுகளுக்குப் பின் வடகொரியாவில் அறிமுகப்படுத்தப்பட்டுள்ளது.

வடகொரியாவில் வெளிநாட்டு படைப்புகளுக்கு அனுமதி மறுக்கப்பட்டுள்ளதால், அதிகாரப்பூர்வ இலக்கிய அமைப்பின் அங்கீகாரத்திற்குப் பின்பே அங்கு வெளிநாட்டு புத்தகங்களை வெளியிட முடியும்.

1997 ஆம் ஆண்டு முதல் வெளியான ஹாரிபாட்டர் புத்தகங்களுக்கு தற்போது அனுமதி வழங்கப்பட்டுள்ளது.

கற்பனை மற்றும் மாய உலகத்தைப் பற்றிய கதையாக இருந்தபோதிலும், குழந்தைகள் சுய வலிமை மற்றும் திறனுடன் தங்களது பாதையில் முன்னோடியாகத் திகழ வேண்டும் என்பதை ஹாரி பாட்டர் கதைகள் காட்டுவதாக வடகொரிய இலக்கிய அமைப்பு புகழ்ந்துள்ளது.