பொதுப்போக்குவரத்தை முற்றிலும் இலவசமாக்கிய முதல் உலக நாடு...!

ஐரோப்பிய நாடான லக்‌ஷம்பர்க்கில் பொதுப்போக்குவரத்து முற்றிலும் இலவச சேவையாக மாற்றப்பட்டுள்ளது. இது இன்று முதல் நடைமுறைக்கு வந்துள்ளது.

இதன்மூலம் பொதுப்போக்குவரத்தை முழுமையான இலவச சேவையாக மாற்றிய முதல் நாடு என்ற பெருமையை லக்‌ஷம்பர்க் பெற்றுள்ளது.

போக்குவரத்து நெரிசலையும், காற்று மாசையும் கட்டுப்படுத்த முடியும் என லக்‌ஷம்பர்க் அரசு நம்பிக்கை தெரிவித்துள்ளது.

மேலும் இலவச போக்குவரத்து சேவை மூலம் அந்நாட்டைச் சேர்ந்த ஒவ்வொருவரும் ஆண்டு ஒன்றுக்கு ஏழாயிரம் ரூபாய் சேமிக்க முடியும் என்றும் லக்‌ஷம்பர்க் அரசு தெரிவித்துள்ளது.

எனினும் ரயில் முதல் வகுப்பு பயணத்துக்கும், இரவு நேரத்தில் சில குறிப்பிட்ட பேருந்து சேவைகளுக்கும் மட்டும் கட்டணம் வசூலிக்கப்படும் என்றும் அறிவிக்கப்பட்டுள்ளது.

பொதுப்போக்குவரத்து முற்றிலும் இலவச சேவையாக மாற்றப்பட்டுள்ளதற்கு அந்நாட்டு மக்கள் வரவேற்பு அளித்துள்ளனர்.