வட கொரிய அதிபர் கிம் ஜாங் உன் உயிரிழந்து விட்டார் - பிரான்ஸ் ஊடகவியலாளர் பரபரப்பு

வட கொரிய அதிபர் கிம் ஜாங் உன் உடல்நிலை தொடர்பான சர்ச்சைகள் நீண்டுவரும் நிலையில், அவர் உயிரிழந்துவிட்டதாக பிரான்ஸைச் சேர்ந்த ஊடகவியலாளர் தெரிவித்துள்ளார்.

36 வயதாகும் கிம் ஜாங் உன் 2011-ல் இருந்து வட கொரியாவை ஆட்சி செய்துவருகிறார்.

நடப்பாண்டின் தொடக்கத்தில் அவர் இதய அறுவை சிகிச்சை செய்துகொண்டதாகவும், அதனால் உடல் நலம் குன்றி உயிரிழந்ததாகவும் தகவல்கள் வெளியாகியன.

ஆனால், அந்த வதந்திகளை தகர்க்கும் வகையில, கிம் ஜாங் உன் ஏப்ரல் மாதத்தில் சில முறை பொதுவெளிகளில் தோன்றினார்.

அதற்கு பின் அவர் பொதுவெளியில் தோன்றாததால், உடல் நிலை குறித்த சர்ச்சை மீண்டும் வெடித்த்து.

இந்நிலையில், கிம் ஜாங் உன் கோமாவில் இருப்பதாக, மறைந்த தென்கொரிய அதிபர் கிம் டே-ஜங்கின் முன்னாள் உதவியாளரான Chang Song-min தெரிவித்திருந்தார்.

நாட்டை நிர்வகிக்கும் பொறுப்பை கிம் ஜாங் உன் தனது சகோதரியான கிம் யோ ஜோங்கிடம், ஒப்படைத்தாகவும் கூறிய அவர், எந்த ஒரு வட கொரிய தலைவரும், உடல் நிலை சரியின்றி இருந்தாலே, ஆட்சி மாற்றத்தினால் அகற்றப்பட்டால் மட்டுமே அதிகாரத்தை வேறொரு நபரிடம் ஒப்படைப்பார் எனவும் தெரிவித்தார்.

அமெரிக்கா மற்றும் தென்கொரியா உடனான உறவுகளை கிம்மின் சகோதரியான கிம் யோ ஜோங்கே கவனித்துவருவதாக தென்கொரியா உள்பட பல்வேறு தரப்பினரும் கூறுகின்றனர்.

பொருளாதார தடைகள், வெள்ளம், கொரோனா போன்றவற்றால் வடகொரியாவின் பொருளாதாரம் கடுமையாக பாதிக்கப்பட்டுள்ளது.

வட கொரியாவின் பொருளாதாரத்திற்கு கடும் சவால் எழுந்துள்ளதாக அண்மையில் கிம் ஜாங் உன்னின் அதிகாரப்பூர்வ அறிக்கை கூறியது.

இந்த சூழலில், வடகொரியாவுக்கு பயணம் செய்த பிரான்ஸ் ஊடகவியலாளர் ராய் காலே, கிம் ஜாங் உன் இறந்துவிட்டதாக கூறியுள்ளார்.

வடகொரியாவில் என்ன நடக்கிறது என்ற அந்த நாட்டு மக்களுக்கே தெரியவில்லை என அவர் கூறுகிறார்.

தனது சகோதரியிடம் அதிகாரத்தை பகிர்ந்தளித்தது போன்ற பல மாற்றங்களை கிம் ஜாங் உன் செய்துள்ளதால், அந்த நாட்டில் ஏதேனும் மிகப்பெரிய நிகழ்வு நடக்கப்போகிறது என ராய் காலே தெரிவித்துள்ளார்.