வடகொரிய அதிபர் கிம் ஜாங் உன் மன்னிப்பு கோரியதாக தென்கொரியா தகவல்..

தென்கொரியாவின் மீன்வளத்துறை அதிகாரி கொல்லப்பட்டதற்கு வடகொரிய அதிபர் கிம் ஜாங் உன் மன்னிப்பு கேட்டுள்ளதாக தென்கொரியா தெரிவித்துள்ளது.

இது தொடர்பாக தென்கொரிய அதிபர் மூன் ஜே இன்னுக்கு எழுதியுள்ள கடிதத்தில், தென்கொரிய அதிகாரி சுட்டுக் கொல்லப்பட்டது அவமானகரமான நிகழ்வு என்று குறிப்பிட்டுள்ள கிம் ஜாங் உன், துரதிர்ஷ்டவசமான இந்த சம்பவத்தால் அதிபர் மூன் ஜே இன் மற்றும் தென்கொரிய மக்களுக்கு ஏமாற்றத்தை அளித்ததற்காக அவர்களிடம் மன்னிப்பு கோருவதாக தெரிவித்துள்ளார்.

கிம் ஜாங் உன் மன்னிப்பு கோரியுள்ளதாக தென்கொரியா கூறியுள்ள நிலையில், அதனை வடகொரியா இன்னும் உறுதிப்படுத்தவில்லை.