சுயநினைவை இழந்தாரா வடகொரிய அதிபர் கிம் ஜாங் உன்..?

இருதய அறுவை சிகிச்சைக்கு பின் வட கொரிய அதிபர் கிம் ஜாங் உன் உடல்நிலை மோசமானது என்று தகவல்கள் வெளியான நிலையில் தற்போது அவர் சுயநினைவை இழந்து உள்ளதாக ஜப்பானிய ஊடகங்கள் செய்தி வெளியிட்டுள்ளன.

வடகொரிய அதிபர் கிம் ஜாங் உன் உடல்பருமன், புகைப்பிடிக்கும் வழக்கம் மற்றும் அதிகப்படியான வேலையால் இதய நோயால் பாதிக்கப்பட்ட அவர் இருதய அறுவை சிகிச்சை செய்யப்பட்டதாக கூறப்படுகிறது.

இருதய அறுவை சிகிச்சைக்கு பின் கிம் ஜாங் உன் உடல்நிலை கவலைக்கிடமாக இருப்பதாக அமெரிக்க அதிகாரிகள் கூறியதாக சி.என்.என் செய்தி வெளியிட்டது.

வடகொரியாவில் கடந்த 15 ஆம் தேதியன்று சூரியனின் நாள் எனப்படும் வடகொரிய நிறுவனரும், கிம் ஜாங் உன்னின் தாத்தாவுமான கிம் இல் சங்கின் பிறந்தநாள் விழா கொண்டாடப்பட்டது. அந்த விழாவில் தற்போதைய அதிபர் கிம் ஜாங் உன் கலந்து கொள்ளாதது இதனை உறுதிப்படுத்தும் விதமாக அமைந்தது.

இதனிடையே வடகொரிய அதிபருக்கு சொந்தமான சிறப்பு ரயில் ஒன்று வென்சானில் ரிசார் நகரத்தில் காணப்படுவதாக வாஷிங்டனிலிருந்து இருந்து வெளியான செயற்கைக்கோள் புகைப்படம் காண்பித்துள்ளது.

இந்த புகைப்படம் மூலம் வடகொரிய அதிபர் இருக்கும் இடமோ உடல்நலம் குறித்து குறிக்கவில்லை. ஆனால் அவர் உயர்பாதுகாப்புடன் சிகிச்சை பெற்று வருகிறார் என்று வெளியான தகவல்களுக்கு ஆதரமாக உள்ளதாக கூறப்படுகிறது.

ஆனால், வட கொரியாவின் மிக நெருங்கிய அண்டை நாடான தென் கொரியா, கவலைக்கிடமாக இருக்கும் அளவுக்கு கிம் உடல்நிலை இல்லை என்று கூறியது. வட கொரியாவில் இருந்து எந்த அசாதாரண குறியீடுகளும் வர வில்லை என்று தென் கொரிய அதிபர் மாளிகை தெரிவித்திருந்தது. தற்போது சில ஊடகங்கள் வட கொரிய அதிபர் உயிரழந்துவிட்டதாகவும் தகவல்கள் வெளியிட்டு வருகின்றனர்.