ஆஸ்திரேலியா: குட்டியுடன் வந்த தாய் திமிங்கலம் தாக்குதல்... 2 பெண்கள் படுகாயம்

ஆஸ்திரேலியாவில் கடலில் குளித்துக்கொண்டிருந்தவர்களை திமிங்கலம் தாக்கியதில் 2 பேர் பலத்த காயமடைந்தனர்.

அந்நாட்டின் வடமேற்கு கடற்கரையில் Ningaloo Reef கடற்பகுதியில் மக்கள் குளித்து மகிழ்ந்துகொண்டிருந்தனர்.

அந்த நேரம் குட்டியுடன் வந்த 50 அடி நீள ஹம்ப் பேக் வகை திமிங்கலம் மக்கள் கூட்டம் நிறைந்திருந்த இடத்தில் வால் பகுதியை வேகமாக செலுத்தியது.

இதில் இரண்டு பெண்கள் காயமடைந்தனர். ஒரு பெண்ணின் இடுப்பெலும்பு முறிந்ததுடன் மற்றொரு பெண்ணுக்கு காயம் ஏற்பட்டது.

படுகாயமடைந்த இருவரும் பெர்த்தில் உள்ள மருத்துவமனையில் அனுமதிக்கப்பட்டுள்ளனர்.