சீனாவில் முந்தைய உரிமையாளரைத் தேடி 7 நாள்கள் நடந்து வந்த ஒட்டகம்

சீனாவில் வேறொருவரிடம் விற்கப்பட்ட ஒட்டகம் ஏழு நாட்கள் நடந்து தன் முந்தைய உரிமையாளரைத் தேடிவந்த சம்பவம் நெகிழ்ச்சியை ஏற்படுத்தியுள்ளது.

சீனாவில் வேறொருவருக்கு விற்கப்பட்ட ஒட்டகம் ஏழு நாட்களாக 100 கிலோ மீட்டர் தூரத்திற்கும் மேலாக நடந்து தன் முந்தைய உரிமையாளரைத் தேடிவந்துள்ளது.

மலைகள், பாலைவனங்கள் என கடுமையான நிலப்பரப்பை கடந்து காயங்களுடன் வந்து சேர்ந்த ஒட்டகத்தைக் கண்ட அதன் உரிமையாளர் கண்ணீர் மல்க அதனை வரவேற்றார்.

தன் குடும்பத்தில் ஒருவராக ஆகிவிட்ட ஒட்டகத்தை இனிமேல் தான் விற்கப்போவதில்லை என்றும் அவர்  கூறினார்.

மேலும், ஒட்டகத்திற்கு மங்கோலியர்களின் பாரம்பரிய வழக்கப்படி வரவேற்பு சடங்குகளையும் உரிமையாளர் செய்தார்.