இந்திய ராணுவ கமாண்டர்களின் ஆலோசனை கூட்டம் இன்று தொடக்கம்..

ராணுவ தலைமை தளபதி எம்.எம்.நரவானே தலைமையில் நான்கு நாட்கள் இந்த கூட்டம் நடைபெறுகிறது. காஷ்மீர் உட்பட நாடு முழுவதும் எதிர்கொள்ளும் சவால்கள், கிழக்கு லடாக் உள்ளிட்ட பகுதிகளில் போர் ஆயத்த நிலை, படை பலம் குறித்து விவாதிக்கப்பட உள்ளது.

மேலும், இந்த கூட்டத்தில் பாதுகாப்பு சார்ந்த முக்கிய கொள்கை முடிவுகள் எடுக்கப்பட உள்ளன. கூட்டத்தில் பாதுகாப்புத்துறை அமைச்சர் ராஜ்நாத் சிங், முப்படை தளபதி பிபின் ராவத், கடற்படை அட்மிரல் கரம்பீர் சிங், ஏர் சீஃப் மார்ஷல் பதூரியா உள்ளிட்டோர் நாளை உரையாற்ற உள்ளதாக தகவல்கள் தெரிவிக்கின்றன.

இதனிடையே, இந்தியா, சீனா ராணுவ கமாண்டர்கள் மட்டத்திலான 8-வது கட்ட பேச்சுவார்த்தை விரைவில் நடைபெற உள்ளதாக கூறப்படுகிறது.