’விக்ரம்’படத்தின் படப்பிடிப்பு தொடங்கியது ஷூட்டிங் ஸ்பாட் புகைப்படங்கள்

விக்ரம் படப்பிடிப்பு புகைப்படங்கள்

லோகேஷ் கனகராஜ் இயக்கத்தில் கமல், விஜய் சேதுபதி, பகத் பாசில் நடிக்கும் விக்ரம் படத்தின் படப்பிடிப்பு இன்று தொடங்கியது.

மாநகரம் படத்தில் இயக்குனரான லோகேஷ் கனகராஜ் கைதி, மாஸ்டர் என அடுத்தடுத்தப் படங்களில் உச்சம் தொட்டு தனது நான்காவது படத்தை கமலை வைத்து இயக்கும் அளவுக்கு உயர்ந்துள்ளார்.

படத்துக்கு விக்ரம் என பெயர் வைத்து முன்னோட்ட டீஸரும் வெளியிட்ட நிலையில், தேர்தல், கொரோனா இரண்டாம் அலை என விக்ரம் படப்பிடிப்பு தள்ளிப் போனது. சில தினங்கள் முன்பு படத்தின் பர்ஸ்ட் லுக்கை வெளியிட்டனர். இந்நிலையில் இன்று காலை விக்ரம் படத்தின் படப்பிடிப்பு தொடங்கியது.

இந்த முதல்கட்டப் படப்பிடிப்பில் பகத் பாசில் கலந்து கொள்ளவில்லை. கமலும், விஜய் சேதுபதியும் சம்பந்தப்பட்ட காட்சிகள் படமாகின்றன. லோகேஷ் கனகராஜ், கமல், விஜய் சேதுபதி, ஒளிப்பதிவாளர் க்ரிஷ் கங்காதரன் ஆகியோர் படக்குழுவுடன் எடுத்துக் கொண்ட புகைப்படங்கள் சமூக வலைத்தளத்தில் வைரலாகி வருகிறது.