சித்தார்த் விபின் - ஸ்ரியா தம்பதியை வாழ்த்திய விஜய் சேதுபதி

சமீபத்தில் திருமணம் செய்து கொண்ட சித்தார்த் விபின் - ஸ்ரியா தம்பதியை நடிகர் விஜய் சேதுபதி வாழ்த்தியுள்ளார்.

2013-ம் ஆண்டு ‘இதற்குத்தானே ஆசைப்பட்டாய் பாலகுமாரா’ திரைப்படத்தில் நந்திதாவின் நண்பராக நடித்ததன் மூலம் தமிழ் சினிமாவில் நடிகராக அறிமுகமானவர் சித்தார்த் விபின். மேலும் அத்திரைப்படத்துக்கு இசையமைத்து படத்தின் வெற்றிக்கு முக்கிய காரணமாக அமைந்தார். ஒரே படத்தில் சித்தார்த் விபின் நடிப்பும், இசையும் பேசப்பட்டது.

அதைத்தொடர்ந்து வல்லவனுக்கு புல்லும் ஆயுதம், காஷ்மோரா, ஹலோ நான் பேய் பேசுறேன் உள்ளிட்ட பல படங்களில் நடிகராகவும் இசையமைத்தும் வருகிறார்.

சித்தார்த் விபினுக்கும் - ஸ்ரியா என்ற பெண்ணுக்கும் கேரளத்து ஸ்டைலில் 2021-ம் ஆண்டு ஜனவரி 24-ம் தேதி திருமணம் நடைபெற்றது.

இந்நிலையில் சித்தார்த் விபின் - ஸ்ரியா தம்பதியை நேரில் சந்தித்த விஜய் சேதுபதி இருவருக்கும் வாழ்த்து தெரிவித்துள்ளார்.