படப்பிடிப்பில் எஸ்.பி.பி.க்கு அஞ்சலி செலுத்திய விஜய் ஆண்டனி..

படப்பிடிப்பில் பிரபல பாடகர் எஸ்.பி.பி.யின் மறைவுக்கு விஜய் ஆண்டனி மற்றும் படக்குழுவினர் அஞ்சலி செலுத்தினர்.

பிரபல பின்னணி பாடகர் எஸ்.பி.பி. கடந்த வெள்ளிக்கிழமை காலமானார். அவருக்கு வயது 74. அவரது மறைவுக்கு விஜய் உள்ளிட்ட திரைத்துறையினர் பலர் நேரில் வந்து அஞ்சலி செலுத்தினர்.

கொரோனா அச்சுறுத்தலால் நேரில் வந்து அஞ்சலி செலுத்த முடியாத திரைத்துறையினர் பலர் சமூகவலைதள பக்கங்களில் தங்களது இரங்கல் செய்தியை பதிவிட்டனர்.

இந்நிலையில் ஆனந்த கிருஷ்ணன் இயக்கத்தில் உருவாகி வரும் தனது 14-வது படத்தின் படப்பிடிப்பில் கலந்து கொண்ட விஜய் ஆண்டனி எஸ்.பி.பி.யின் உருவ படத்துக்கு மலர் தூவி கண்ணீர் அஞ்சலி செலுத்தினார். விஜய் ஆண்டனி மட்டுமல்லாது படக்குழுவினர் அனைவரும் இந்நிகழ்வில் கலந்து கொண்டு இறுதி அஞ்சலி செலுத்தினார்கள்.