அடுத்த சூப்பர் ஸ்டார் யார்?... ட்விட்டரை ஆக்கிரமித்த விஜய், அஜித், ரஜினி ரசிகர்கள்

அடுத்த சூப்பர் ஸ்டார் யார் என்ற பஞ்சாயத்து மீண்டும் கிளம்பியதால்  ட்விட்டர் ட்ரெண்டிங்கை ஆக்கிரமித்த விஜய், அஜித், ரஜினி ரசிகர்கள்

தமிழகத்தின் அடுத்த சூப்பர் ஸ்டார் விஜய் தான் என்றும் ரஜினியை அவர் முந்திவிடுவார் என்றும் சீமான் கூறியிருந்த நிலையில், #அன்புள்ள_ரஜினிவிஜய் என்ற ஹேஷ்டேக்கை ரசிகர்கள் உருவாக்கி டிரெண்டாக்கினர்.

தமிழ் சினிமாவில் அடுத்த சூப்பர் ஸ்டார் விஜய் என்றும், அஜித் என்றும் பரஸ்பரம் அவரவர் ரசிகர்கள் கூறி வருகின்றனர். ஆனால், என்றுமே ரஜினிதான் சூப்பர் ஸ்டார் என ரஜினிகாந்த் ரசிகர்களும் கூறி வருகின்றனர்.

இந்நிலையில், அடுத்த சூப்பர் ஸ்டார் விஜய் தான் எனவும், அதற்கான அனைத்து தகுதிகளும் அவருக்கு உள்ளதாகவும் நாம் தமிழர் கட்சியின் ஒருங்கிணைப்பாளர் சீமான் கருத்து தெரிவித்தார். இணையம் மட்டுமல்லாது பல்வேறு தரப்பிலும் இது விவாதப் பொருளானது.

ஆனால், ரஜினி - விஜய் ரசிகர்களிடையே மோதல் போக்கை ஏற்படுத்தும் வகையில் யாரும் கருத்து கூற வேண்டாம் என்று உணர்த்தும் வகையில் இணையத்தில்  #அன்புள்ள_ ரஜினிவிஜய் என்ற ஹேஷ்டேக்கை ரசிகர்கள் உருவாக்கி டிரெண்டாக்கி வருகின்றனர்.

மேலும் ஒவ்வொரு கால கட்டத்துக்கமான சூப்பர் ஸ்டார் யார் என்பதை குறிக்கும் வகையில், எம்ஜிஆர், ரஜினியை அடுத்த விஜய் தான் என அவரது ரசிகர்கள் புகைப்படத்தை பதிவிட்டுள்ளனர். அதில் ரஜினியும், விஜயும் இணைந்திருக்கும் புகைப்படங்களை பதிவேற்றி வருகின்றனர்.

இது ஒருபக்கம் என்றால், எம்ஜிஆருக்குப் பிறகு, எப்பவுமே அஜித்தான் என்ற ரீதியில் அஜித்தின் ரசிகர்கள் கருத்து தெரிவித்து வருகின்றனர். ரசிகர்கள் தங்கள் பங்கிற்கு #மக்கள்திலகம்அஜித் என்ற புதிய ஹேஷ்டேக் ஒன்றை போட்டுள்ளனர்

#மக்கள்திலகம்அஜித் என்ற ஹேஷ்டேக் மூலம் எம்ஜிஆர், அஜித் புகைப்படங்களை பதிவிட்டுள்ளனர்

அண்மையில் #கைப்புள்ளவிஜய் மற்றும் #என்றும்தல என்ற ஹேஷ்டேக் மூலம் இருதரப்பு ரசிகர்களும் இணையத்தில் மோதிய நிலையில் தற்போது மீண்டும் டிரெண்டிங் செய்யும் போரில் ஈடுபட்டுள்ளனர்.