விஜய் - தோனி சந்திப்பு நடிகர் விஜய் தற்போது நெல்சன் இயக்கத்தில் உருவாகும் பீஸ்ட் படத்தில் நடித்து வருகிறார். இந்த படத்தின் படப்பிடிப்பு விறுவிறுப்பாக சென்னையில் நடந்து வருகிறது.இந்த படத்தில் விஜய்க்கு ஜோடியாக பூஜா ஹெக்டே நடிக்கிறார். தற்போது பீஸ்ட் படத்தின் படப்பிடிப்பு ஸ்ரீ கோகுலம் ஸ்டியோஸில் நடந்து வருகிறது. பீஸ்ட் படப்பிடிப்பு நடக்கும் அதே ஸ்டுடியோவிற்கு வேறொரு விளம்பர ஷூட்டிங்கிற்காக இந்திய கிரிக்கெட் அணியின் முன்னாள் கேப்டன் தோனி வந்துள்ளார். அப்போது தோனி மற்றும் விஜய் இருவரும் சந்தித்துக்கொண்டு ஒன்றாக அமர்ந்து பேசியுள்ளனர். இந்த புகைப்படங்கள் தற்போது சமூக வலைதளங்களில் வைரலாகி வருகிறது.
