விஜய் சேதுபதிக்கு சர்ப்ரைஸ் கொடுத்த ‘விஜய் 63' டீம்!

நடிகர் விஜய்சேதுபதி நடித்துள்ள சீதக்காதி படத்தைப் பார்த்த இயக்குநர் அட்லீ பாராட்டி வாழ்த்து தெரிவித்துள்ளார்.

விஜய் சேதுபதியை வைத்து ‘நடுவுல கொஞ்சம் பக்கத்த காணோம்’ என்ற ஹிட் படத்தை இயக்கியவர் பாலாஜி தரணிதரன். இவர் தான் தற்போது விஜய் சேதுபதியின் 25-வது படமான சீதக்காதி படத்தையும் இயக்கியுள்ளார்.

சீதக்காதி படத்தில் விஜய் சேதுபதி 80 வயதுடைய அய்யா ஆதிமூலம் என்ற முதியவர் கதாபாத்திரத்தில் நடித்துள்ளார்.

பரசுராமன் என்ற கதாபாத்திரத்தில் இயக்குநர் மௌலியும், லட்சுமி என்ற கேரக்டரில் நடிகை அர்ச்சனாவும் நடித்துள்ளனர். பழம்பெரும் இயக்குநர் மகேந்திரன் படத்தில் நீதிபதியாக நடித்துள்ளார்.

படத்தில் விஜய் சேதுபதிக்கு வில்லனாக நடிகர் வைபவ்வின் சகோதரர் சுனில் தனபால் என்ற கதாபாத்திரத்தில் நடித்துள்ளார். நாளை இந்தப் படம் வெளியாக உள்ளது.

சீதக்காதி படம் குறித்து தனது ட்விட்டர் பக்கத்தில் கருத்து பதிவிட்டிருக்கும் இயக்குநர் அட்லீ, "உணர்வுப்பூர்வமான நகைச்சுவைமிக்க பொழுதுபோக்கு படம். படக்குழுவுக்கு வாழ்த்துகள். விஜய் சேதுபதியின் சிறந்த முயற்சி. இந்தப் படத்தை தயாரித்ததற்காக பேஷன் ஸ்டுடியோஸ் நிறுவனத்துக்கு சிறப்பு நன்றி. படத்தின் இசையமைப்பாளர், இயக்குநருக்கு வாழ்த்துகள்”என்று கூறியுள்ளார்.

சீதக்காதி படத்தில் நடித்திருக்கும் விஜய் சேதுபதியின் வித்தியாசமான தோற்றம்