மீண்டும் சின்னத்திரையில் நந்தினி சீரியல் நடிகை நித்யா ராம்!

ஜீ தமிழில் ஒளிபரப்பாகவிருக்கும் ‘அண்ணா’ சீரியலில் ஹீரோயினாக நடிக்கவிருக்கிறார் நித்யா ராம். அவரைப்பற்றிய சுவாரஸ்ய தகவல்களை இங்கே பதிவிடுகிறோம்.

இயக்குநர் சுந்தர் சி இயக்கிய நந்தினி சீரியலில் கங்கா என்ற கதாபாத்திரத்தில் நடித்தவர் தான் நித்யா ராம். சன் டிவி-யில் ஒளிபரப்பான இதனை குஷ்பு சுந்தர் தயாரித்திருந்தார்.

கர்நாடக மாநிலத்தை பூர்வீகமாக கொண்ட நித்யா, அங்கேயும் சில சீரியல்களில் நடித்துள்ளார். பின்னர் 2015 ஆம் ஆண்டு வெளியான ‘முட்டு மனசே’ என்ற கன்னட படத்தில் கதாநாயகியாகவும் அறிமுகமானார்.

ஆனால் சரியான வாய்ப்புகள் அமையாததால் தனது முழு கவனத்தையும் சீரியல் பக்கமே மீண்டும் திருப்பினார்.

இவருக்கு 2014-ம் ஆண்டு வினோத் என்பவருடன் திருமணமானது. ஆனால் இருவருக்குமிடையே ஏற்பட்ட கருத்து வேறுபாட்டினால் இத்திருமணம் விவாகரத்தில் முடிந்தது.

பின்னர் கடந்த 2019-ம் ஆண்டு ஆஸ்திரேலியாவைச் சேர்ந்த கெளதம் என்பவரை இரண்டாவது திருமணம் செய்துக் கொண்டு, நடிப்புக்கு இடைவெளி விட்டார் நித்யா.

கணவருடன் ஆஸ்ஸ்திரேலியாவில் செட்டில் ஆன நித்யா, தற்போது மீண்டும் தனது இரண்டாவது இன்னிங்ஸை தொடங்கவிருக்கிறார்.

தமிழில் ஒளிபரப்பாகவிருக்கும் ‘அண்ணா’ சீரியலில் மிர்ச்சி செந்திலுக்கு ஜோடியாக நடிக்கவிருக்கும் அவரை, மீண்டும் சின்னத்திரையில் காண ஆவலுடன் காத்திருக்கிறார்கள் ரசிகர்கள்.