YearEnder 2022: சின்னத்திரையில் இந்த வருட மார்ச்சில் நடந்த முக்கிய நிகழ்வுகள்!

இளவரசி என்ற சீரியல் மூலம் சின்னத்திரையில் அறிமுகமானார் நடிகர் அருண் ராஜன். அழகி, சந்திரலேகா, வாணி ராணி, கல்யாண பரிசு, இளவரசி, அழகி போன்ற பல பிரபலமான சீரியல்களில் நடித்துள்ளார். இந்த வருட ஆரம்பத்தில் சன் டிவி-யில் பூவே உனக்காக சீரியலில் செல்வம் மற்றும் சந்திரலேகாவில் சபரிநாதன் உள்ளிட்ட கதாபாத்திரங்களில் நடித்து வந்தார். இதில் சந்திரலேகா சீரியலில் இருந்து மார்ச் மாதம் விலகினார்.

விஜய் டிவி-யில் ஒளிபரப்பாகி வரும் சூப்பர் ஹிட் சீரியல் பாக்கியலட்சுமி. இந்த சீரியலில் பாக்கியலட்சுமி - கோபியின் மூத்த மகனாக செழியன் கதாபாத்திரத்தில் நடித்து வந்த ஆர்யன் அந்த சீரியலை விட்டு விலகினார்.

அபியும் நானும் சீரியலில் மீனா மற்றும் சிவாவின் மகனான முகில் என்ற குறும்புக்காரர் சிறுவனாக நடிக்கும் குழந்தை நட்சத்திரம் நித்தீஷ். இவர் 60 கார்டூன் கதாபாத்திரங்களின் பெயர்களை 60 நொடிகளில் வேகமாக கூறி உலக கின்னஸ் புத்தகத்தில் இடம்பிடித்தான்.

குடும்ப வன்முறை போன்ற சமூகத் தீமைகளை வெளிச்சம் போட்டுக்காட்டவும் மற்றும் அவற்றின் மீது விழிப்புணர்வை உருவாக்கும் வண்ணம் கலர்ஸ் தமிழில் ஒளிபரப்பான மீரா சீரியலில் கமிட்டானார் நடிகை குஷ்பு.

தங்களின் மெர்சிடெஸ் சி க்ளாஸ் பென்ஸ் காரை ஒருவருக்கு பரிசளித்தனர் சஞ்சீவ் - ஆல்யா மானசா ஜோடி. அதாவது சஞ்சீவ் தனது சகோதரர் சமீருக்கு அந்த காரை பரிசளித்தார்.

பாக்கியலட்சுமி சீரியலில் பாக்கியாவின் மூத்த மகன் செழியனாக நடித்து வந்த ஆர்யன் அத்தொடரில் இருந்து விலகியதை அடுத்து, விகாஷ் சம்பத் அந்த கதாபாத்திரத்தில் நடிக்க ஒப்பந்தமானார்.

சன் டிவி-யில் ஒளிபரப்பான பூவே உனக்காக சீரியலில் சிறப்பு கதாபாத்திரத்தில் நடித்தார் நடிகை சோனியா அகர்வால்.

பிரபல சின்னத்திரை நடிகரான நவீன் மற்றும் செய்தி வாசிப்பாளரான கண்மணி ஆகிய இருவரும் காதலித்து வந்த நிலையில், கடந்த மார்ச் மாதம் தங்கள் காதலை அறிவித்தனர்.