YearEnder 2022: சின்னத்திரையில் இந்த வருட பிப்ரவரியில் நடந்த முக்கிய நிகழ்வுகள்!

10 வருடங்களுக்குப் பிறகு மூத்த நடிகை பாம்பே ஞானம் மீண்டும் நடிக்க வந்தார். சன் டிவி-யில் ஒளிபரப்பாகும் எதிர் நீச்சல் சீரியலில் முக்கியக் கதாபாத்திரத்தில் தற்போது நடித்து வருகிறார். இதனை கோலங்கள் சீரியலை இயக்கிய திருச்செல்வன் இயக்குகிறார்.

விஜய் டிவி-யில் ஆரம்பித்து சில வாரங்களையே கடந்திருந்த வைதேகி காத்திருந்தாள் தொடரில் இருந்து விலகினார் பிரஜின். தேதிகள் ஒதுக்குவதில் ஏற்பட்ட சிக்கலே காரணம் என அதற்கு விளக்கமும் கொடுத்திருந்தார்.

கலர்ஸ் தமிழ் சேனலின் இதயத்தை திருடாதே சீரியாலில் இரண்டாம் பாகத்தில் சுப்புலட்சுமி ரங்கன் இணைந்தார்.

இது சொல்ல மறந்த கதை சீரியல் மூலம் விஜய் டிவி-யில் இருந்து கலர்ஸ் தமிழ் சேனலுக்கு தாவினார் ரச்சிதா மகாலட்சுமி.

2018-ஆம் ஆண்டு கலர்ஸ் தொலைக்காட்சியில் வெளியான திருமணம் என்ற தொடரில் கோபிகாந்த் இயக்கத்தில் சந்தோஷ் என்ற பெயரில் நடித்திருந்தார். இந்த சீரியலில் கதாநாயகியாக ஸ்ரேயா அஞ்சன் என்பவர் நடித்திருந்தார். இவர்களது காம்பினேஷன் ரசிகர்களால் பெரிதும் ரசிக்கப்பட்டது. சீரியலில் மட்டுமல்ல, நிஜத்திலும் இருவருக்கும் இடையே காதல் மலர்ந்தது. பின்னர் திருமணம் செய்துக் கொண்ட இவர்கள் கடந்த பிப்ரவரியில் கார் வாங்கினார்கள்.

சாயா சிங் முன்னணி கதாபாத்திரத்தில் நடிக்க, நம்ம மதுரை சிஸ்டர்ஸ் என்ற தொடர் கலர்ஸ் தமிழ் சேனலில் தொடங்கியது.

விஜய் டிவி-யில் பிரபலமான சீரியலான பாரதி கண்ணம்மா சீரியலில் இருந்து விலகினார் கண்மணி மனோகரன். அதில் அவர் அஞ்சலி கதாபாத்திரத்தில் நடித்து வந்த நிலையில், அதிலிருந்து விலகி ஜீ தமிழ் சேனலுக்கு சென்றார்.

கோலங்கள் சீரியலை இயக்கிய திருச்செல்வம் இயக்கும் எதிர் நீச்சல் சீரியல் சன் டிவி-யில் ஒளிபரப்பை தொடங்கியது.

சன் டிவி-யில் திங்கள் முதல் சனி வரை ஒளிபரப்பாகி வந்த சீரியல் பூவே உனக்காக. இந்த சீரியலில் பூவரசி கேரக்டரில் ஹீரோயினாக நடிகை ராதிகா ப்ரீத்தி நடித்து வந்தார். கடந்த பிப்ரவரியில் அவர் இதிலிருந்து விலகினார்.