என்னுடைய 19 வயதில் இது நடக்கும் என நினைக்கவில்லை.. யாஷிகா போட்ட பதிவு!

yashika anand instagram : நடிகை யாஷிகா ஆனந்த் புது வீடு வாங்கி இருப்பதாக இன்ஸ்டாகிராமில் மகிழ்ச்சியுடன் தெரிவித்துள்ளார்.

’இருட்டு அறையில் முரட்டு குத்து' படத்தின் மூலம் தமிழ் சினிமாவுக்கு அறிமும் ஆன யாஷிகா இளைஞர்களின் கவர்ச்சி கன்னியாக வலம் வந்தார். அண்மையில் விபத்து ஒன்றில் சிக்கியவர் தற்போது மீண்டும் படங்களில் கவனம் செலுத்தி வருகிறார்.

யாஷிகாவுக்கு நடந்த கார் விபத்தில் அவரின் உயிர் தோழி இறந்து விட்டார். 6 மாத சிகிச்சைக்கு பின்பு யாஷிகா தற்போது நடக்கிறார். அவரின் நடிப்பில் எஸ்.ஜே. சூர்யாவுடன் சேர்ந்து நடித்த ‘கடமையை செய்’ திரைப்படம் கூடிய விரைவில் திரைக்கு வரவுள்ளது.

சின்னத்திரையிலும் யாஷிகாவுக்கு மிகப் பெரிய வரவேற்பு உள்ளது. பிக் பாஸ் சீசனில் கலந்து கொண்டு பட்டி தொட்டி எங்கும் ஃபேமஸ் ஆனார். சமீபத்தில் நடந்த பிக் பாஸ் சீசன் 5ல் இவரின் முன்னாள் காதலர் நிரூப்பும் கலந்து கொண்டார்.

சமீபத்தில் தனக்கு திருமணம் என்று யாஷிகா இன்ஸ்டாவில் பகிர்ந்து இருந்தார். அதற்கு ரசிகர்கள் தங்களது வாழ்த்துக்களை கூறி இருந்தனர். இந்நிலையில் மற்றொரு சந்தோஷமான விஷயத்தையும் யாஷிகா இப்போது ஷேர் செய்துள்ளார்.

அதாவது, கடின உழைப்புக்கு பின்பு யாஷிகா அவரின் தாய் தந்தையின் கனவை நிறைவேற்றியுள்ளார்,. சொந்தமாக வீடு வாங்கி குடிபெயர்ந்துள்ளார். இந்த தகவலை நெகிழ்ச்சியுடன் பதிவு செய்துள்ளார்.

அந்த பதிவில், ''என் தாய் தந்தையின் கனவை வீடு வாங்கி நிறைவேற்றுவேன் என நான் நினைத்ததேயில்லை. உங்களுக்கும் இதுப்போன்ற கனவு இருந்தால் உங்களது கடின உழைப்பின் மூலமாகவும் உங்கள் பெற்றோரின் ஆதரவு மூலமாகவும் கண்டிப்பாக நிறைவேறும். எனக்கு 19 வயதாக இருக்கும்போது இந்த வீட்டைப் பார்த்து பதிவு செய்தோம். ஆனால் பல பிரச்சினைகள் காரணமாக இந்த வீட்டுக்குள் நுழைவதற்கு சரியான நேரம் அமையாமல் இருந்தது. இறுதியாக அது தற்போது நடந்துவிட்டது. கடவுளுக்கு நன்றி. 19 வயதில் நான் ஒரு வீட்டை சொந்தமாகுவேன் என நினைக்கவில்லை” என்று கூறியுள்ளார்.