திருமணமான சில வாரங்களிலேயே பிரிந்த விஜய் டிவி சீரியல் ஜோடி..?! என்ன நடந்தது?

கடந்த மார்ச் மாதம் திருமணம் செய்துக் கொண்ட விஜய் டிவி சீரியல் நடிகர்கள் விஷ்ணுகாந்த் மற்றும் சம்யுக்தா இருவரும் கருத்து வேறுபாடு காரணமாக பிரிந்து விட்டதாகக் கூறப்படுகிறது.

விஜய் டிவி-யின் சிப்பிக்குள் முத்து சீரியலில் அபினவ் என்ற முக்கியக் கதாபாத்திரத்தில் நடித்தவர் நடிகர் விஷ்ணுகாந்த்.

அதே சீரியலில் பொன்னியாக நடித்தவர் சம்யுக்தா.

இவர்கள் இருவரும் கடந்த அக்டோபர் மாதம் தங்கள் காதலை உறுதிப்படுத்தினார்கள்.

இதையடுத்து கடந்த மார்ச் மாதம் இவர்களின் திருமணம் நடந்தது.

திருமணமான குறுகிய காலத்திற்குள் இவர்களுக்குள் விரிசல் விழுந்திருப்பதாக தெரிகிறது. சில வாரங்களுக்கு முன்பே விஷ்ணுவும் சம்யுக்தாவும், தங்கள் திருமண படங்களை இன்ஸ்டகிராமில் இருந்து நீக்கினர். அதோடு ஒருவரையொருவர் அன்ஃபாலோவும் செய்தனர்.

”தொடர்புகள் உண்மையான காதலை, போலி என சொல்ல வைக்கிறது, இனியும் மெளனமில்லை” என விஷ்ணு தனது இன்ஸ்டகிராம் ஸ்டோரியில் வைத்திருந்தார்.

சம்யுக்தா, அவரது ஸ்டோரியில், “டியர் ஹேட்டர்ஸ், நீங்கள் நினைத்தது நடந்துவிட்டது. இனி தான் என் வாழ்க்கை ஆரம்பமாகவிருக்கிறது. நீங்கள் கற்பனை செய்யாத அளவுக்கு இனி எல்லாம் நடக்கும். அதனால் ஏமாற்றத்தை தாங்கிக் கொள்ள தேவையான வலுவை பெற்றுக் கொள்ளுங்கள்” எனக் குரிப்பிட்டிருந்தார். அதோடு வாழ்க்கைப் பாடம் எனும் மற்றொரு போஸ்ட்டில், ”ஒரு பெண்ணை வீழ்த்த முடியாது என அவர்கள் உணரும் போது, விமர்சனம் என்ற பெயரில் நடத்தையை ஆயுதமாக்குகிறார்கள்” எனவும் தெரிவித்திருக்கிறார்.