ராஜா ராணி 2 சீரியலில் இருந்து விலகும் முக்கியப் பிரபலம்?

இந்தியில் ஒளிபரப்பான 'தியா அவுர் பாதி ஹம்' என்ற கதையின் தமிழாக்கமாக ராஜா ராணி சீசன் 2 சீரியல் விஜய் டிவி-யில் ஒளிபரப்பாகி வருகிறது.

எப்படியாவது ஐபிஎஸ் அதிகாரி ஆக வேண்டும் என கனவுடன் இருந்த நாயகி எதிர்பாராதவிதமாக திருமண பந்தத்தில் நுழைவதும், தன் அம்மாவின் வாக்கே தெய்வ வாக்கு என்று நம்பும், அதை ஒருபோதும் மீறாமல் குடும்பத்திற்காக ஓயாமல் உழைக்கும் படிப்பறிவு இல்லாத நாயகன் ஆகியோரைச் சுற்றி கதைக்களம் அமைக்கப்பட்டுள்ளது.

அதில் சந்தியாவாக நடித்து வந்த ஆல்யா மானசா இரண்டாவது முறை கர்ப்பம் தரித்ததால், அதிலிருந்து விலகினார்.

பின்னர் அவருக்கு பதிலாக ரியா விஸ்வநாதன் என்பவர் சந்தியாவாக நடித்து வருகிறார்.

ராஜா ராணி 2 சீரியலில் காமெடி பிளஸ் வில்லத்தனம் என கலந்துக்கட்டி ரணகளம் செய்து வருபவர் அர்ச்சனா.

அவரது அனைத்து சதிகளையும் மீறி சமீபத்தில் தான் சீரியலில் பார்வதியின் திருமணம் நடந்தது.

இந்நிலையில் ராஜா ராணி 2 சீரியலில் இருந்து அர்ச்சனா விலகவிருப்பதாக தகவல்கள் வெளியாகியிருக்கின்றன.

சமீபத்தில் நடந்து முடிந்த விஜய் டெலி அவார்ட்ஸ் நிகழ்ச்சியில் அவர் அர்ச்சனா கதாபாத்திரத்திற்கு விருது வாங்கியது குறிப்பிடத்தக்கது.