பாவம் கணேசன் நவீன் மனைவி கிருஷ்ணகுமாரி வளைகாப்பு - வைரலாகும் படங்கள்

விஜய் டிவி-யின் கலக்கப்போவது யாரு நிகழ்ச்சியில் பிரபலமடைந்த நவீன் முரளிதரின் மனைவி, கிருஷ்ணகுமாரிக்கு வளைகாப்பு நடைப்பெற்றுள்ளது.

விஜய் டிவியில் ‘கலக்கப்போவது யாரு’ நிகழ்ச்சியில் பங்கேற்ற நவீனின் அசாத்திய திறமையை கண்டு வியக்காதவர்களே இல்லை எனலாம். மிமிக்ரி தொடங்கி நடிப்பு பாடி லாங்வேஜ் என அனைத்திலும் கலக்குவார்.

தற்போது விஜய் டிவி-யில் ஒளிபரப்பாகி வரும் பாவம் கணேசன் சீரியலில் ஹீரோவாக நடித்து வருகிறார்.

தனிப்பட்ட வாழ்க்கையைப் பொறுத்தவரை கடந்த 2018-ம் ஆண்டு மலேசியாவை சேர்ந்த கிருஷ்ணகுமாரி என்ற பெண்ணை மணந்தார் நவீன்.

இவர்களுக்கு சாய் கிருஷ்ணா என்ற மகன் இருக்கிறான்.

இந்நிலையில் இரண்டாவது முறையாக கர்ப்பமானார் கிருஷ்ணகுமாரி. ‘எல்லாரும் உனக்கெல்லாம் குழந்தையே பிறக்காது. நீங்க பிரிஞ்சிடுவீங்கன்னு சொல்லிருக்காங்க. சாபம் விட்ட எல்லாருக்கும் ரொம்ப தேங்க்ஸ்’ என கண்ணீர் மல்க விஜய் டெலி அவார்ட்ஸில் அவர் பேசியது பலரின் கவனத்தையும் ஈர்த்தது.

இந்நிலையில் கிருஷ்ணகுமாரிக்கு தற்போது வளைகாப்பு நடைப்பெற்றிருக்கிறது. அந்தப் படங்கள் இன்ஸ்டாகிராமில் வெளியாகி லைக்குகளை குவித்து வருகின்றன.