பிக் பாஸ் ரித்விகாவுடன் யுகாதியை கொண்டாடிய வனிதா விஜயகுமார்!

பிக் பாஸ் 2 டைட்டில் வின்னர் ரித்விகாவுடன் தெலுங்கு வருடப் பிறப்பை கொண்டாடியிருக்கிறார் நடிகை வனிதா விஜயகுமார்.

தமிழ் சினிமாவில் சில படங்களில் நடித்த வனிதா திருமணத்துக்குப் பிறகு நடிப்பை விட்டு விலகினார்.

பின்னர் பிக் பாஸ் சீசன் 3, குக் வித் கோமாளி சீசன் 1, கலக்கப் போவது யாரு, பிக் பாஸ் ஜோடிகள் என விஜய் தொலைக்காட்சியில் தொடர்ச்சியாகப் பல்வேறு நிகழ்ச்சிகளில் பணியாற்றினார்.

அதன் பிறகு டிஸ்னி பிளஸ் ஹாட்ஸ்டாரில் ஒளிபரப்பான பிக் பாஸ் அல்டிமேட் நிகழ்ச்சியில் கலந்துக் கொண்ட வனிதா, பாதியிலேயே அந்நிகழ்ச்சியிலிருந்து வெளியேறினார்.

மறுபுறம் மூன்றாவது கணவர் பீட்டர் பாலை விட்டு பிரிந்த அவர், படங்களில் கவனம் செலுத்தத் தொடங்கினார்.

தற்போது பிரசாந்தின் அந்தகன், பவர் ஸ்டாருடன் பிக்கப் ட்ராப், வசந்தபாலனின் புதிய படம் உள்ளிட்டப் படங்களை கைவசம் வைத்துள்ளார் வனிதா விஜயகுமார்.

இந்நிலையில் இன்று பிக் பாஸ் 2 டைட்டில் வின்னர் ரித்விகாவுடன் யுகாதியை கொண்டாடியிருக்கிறார் வனிதா.