''பீட்டர்பால் என் கணவர் இல்லை''.. இன்ஸ்டாவில் பரபர விளக்கம் அளித்த வனிதா விஜயகுமார்

பீட்டர் பால் தனது கணவரில்லை என நடிகை வனிதா விஜயகுமார் இன்ஸ்டகிராமில் தெரிவித்துள்ளார்.

வனிதா விஜயகுமார் பீட்டர் பால் என்பவரை கடந்த 2020-ம் ஆண்டு கிறிஸ்தவ முறைப்படி மூன்றாவதாக திருமணம் செய்துக் கொண்டார். ஆனால் விரைவிலேயே அவர்கள் பிரிந்து விட்டனர்.

இதற்கிடையே கடந்த சனிக்கிழமை பீட்டர் பால் காலமானார். இதையடுத்து வனிதாவின் 3-வது கணவர் மறைந்ததாக செய்திகளில் குறிப்பிடப்பட்டது.

இந்நிலையில் இது குறித்து இன்ஸ்டகிராமில் பதிவிட்டுள்ள வனிதா, “மறைந்த பீட்டர் பாலை சட்டப்பூர்வமாக திருமணம் செய்து கொள்ளவில்லை, 2020-ல் நாங்கள் ஒரு சுருக்கமான உறவில் இருந்தோம், அது அதே ஆண்டு முடிவுக்கு வந்தது.

நான் அவருடைய மனைவியும் இல்லை, அவர் என் கணவரும் அல்ல. என் கணவர் இறந்துவிட்டதாக செய்தி பரப்புவதை நிறுத்துங்கள்.

நான் சட்டப்பூர்வமாக தனிமையில் இருக்கிறேன். கணவர் இல்லை. எந்த இழப்புக்கும் நான் வருத்தப்படவில்லை. நான் தற்போது மிகவும் மகிழ்ச்சியாக இருக்கிறேன்.

என் வாழ்க்கையை முழுமையாக வாழ்கிறேன். இது ஒரு தாழ்மையான வேண்டுகோள். மற்றவர்களைப் பற்றி விமர்சிப்பதையோ அல்லது கிசுகிசுப்பதையோ நிறுத்திவிட்டு உங்கள் வாழ்க்கையை கவனித்துக் கொள்ளுங்கள்.

ஒவ்வொருவருக்கும் வாழவும், எதைச் செய்ய விரும்புகிறார்களோ அதைச் செய்யவும் உரிமை உண்டு” என அதில் தெரிவித்துள்ளார்.