அசுர வேகத்தில் சென்ற TTF வாசன்... அலறிய மெளனராகம் சக்தி

டிடிஎப் வாசனுடன், மெளனராகம் 2 சீரியல் நடிகை ரவீனா பைக் ரைட் சென்ற வீடியோ வைரலாகி வருகிறது.

அதி வேகமாக பைக் ஓட்டி அதனை வீடியோவாக யூ-ட்யூபில் பதிவிட்டு 2கே கிட்ஸ் மத்தியில் பிரபலமானவர் TTF வாசன்.

வேகமாக செல்வதால் அடிக்கடி சர்ச்சைகளில் சிக்குவதையும் வழக்கமாக வைத்திருக்கிறார். சில மாதங்களுக்கு முன்பு ஜி.பி.முத்துவுடன் பைக்கில் வேகமாக சென்றதால், கோவை சூலூர் போலீசார் வழக்குப்பதிவு செய்ததோடும் வண்டியையும் பறிமுதல் செய்தனர்.

இந்நிலையில் தற்போது நடிகை ரவீனா தாஹாவுடன் பைக் ரைடு சென்றிருக்கிறார் வாசன்.

விஜய் டிவி-யில் ஒளிபரப்பாகி வரும் மெளனராகம் 2 சீரியலில் ஹீரோயினாக நடித்து வருபவர் ரவீனா. அதோடு குக் வித் கோமாளி 4-ல் கோமாளியாகவும் இடம் பெற்றுள்ளார்.

வாசனுடன் பைக்கில் செல்லும் ரவீனா, பயத்தில் அலறிய காட்சிகளும் வீடியோவில் இடம் பெற்றுள்ளன.