ரோஜா சீரியல் நடிகைக்கு கோயிலில் நடந்த எளிமையான திருமணம் : அதிர்ச்சியான ரசிகர்கள் - வைரலாகும் படங்கள்!

தொலைக்காட்சி சீரியல்களில் சன் டிவியில் ஒளிப்பரப்பாகும் சீரியல்களுக்கு என்றே தனி ரசிகர் கூட்டம் உள்ளது. இதில் குறிப்பாக ரோஜா சீரியல், மிகப் பெரிய ரசிகர் பட்டாளத்தை பெற்றுள்ளது.

இந்த சீரியலில் அர்ஜுன் கதாபாத்திரத்தில் சிபு சூர்யன், ரோஜாவாக பிரியங்கா நல்கார் என்பவரும் நடித்திருந்தனர்.

இவர்களுடன் மெட்டி ஒலி புகழ் காயத்ரி சாஸ்திரி அர்ஜுனின் அம்மா கதாபாத்திரத்திலும், வடிவுக்கரசி பாட்டி கதாபாத்திரத்திலும், அர்ஜுன் அப்பாவாக சிவா, வழக்கறிஞராக ராஜேஷ் ஆகியோர் நடித்து வருகின்றனர்.

குறிப்பாக இந்த சீரியலில் அர்ஜூன், ரோஜா இடையிலான ரொமான்ஸ் காட்சிகள் இளைஞர்களை கவர்ந்திழுக்கும் வகையில் அமைக்கப்பட்டிருந்தது. எனவே இல்லத்தரசிகளைப் போலவே ரோஜா சீரியலுக்கு இளைஞர்கள் மத்தியிலும் ரசிகர்கள் பட்டாளம் உண்டு.

கடந்த 2018, ஏப்ரல் மாதத்திலிருந்து ஒளிபரப்பாகி வந்த இந்தத் தொடர் சமீபத்தில் நிறைவடைந்தது.

தற்போது இந்தத் தொடரில் ரோஜாவாக நடித்த பிரியங்கா, ஜி தமிழ் டிவியில் ஒளிபரப்பாகிவரும் சீதா ராமன் சீரியலில் நடித்துவருகிறார்.

இந்த நிலையில் எந்த வித முன் அறிவிப்பின்றி தனக்கு திருமணமாகிவிட்டதாக இன்ஸ்டாகிராமில் புகைப்படங்களை வெளியிட்டு பிரியங்கா அதிர்ச்சியளித்திருக்கிறார்.

இவரது திருமணம் கோவிலில் வைத்து எளிமையாக நடைபெற்றதாக தெரிகிறது. காதல் திருமணமா என ரசிகர்கள் கேள்வி எழுப்பிவருகின்றனர்.

இதனையடுத்து பிரபலங்கள் அவருக்கு வாழ்த்து தெரிவித்துவருகின்றனர்.