அம்மாவாகப் போகும் பிரபல சீரியல் நடிகை... குவியும் வாழ்த்துகள்!

தான் கர்ப்பமாக இருப்பதை கடந்த மாதம் அறிவித்த சந்திரலேகா சீரியல் நடிகை ஸ்வேதா பண்டேகர், தற்போது தனது லேட்டஸ்ட் படங்களை இன்ஸ்டகிராமில் பகிர்ந்துள்ளார்.

சென்னையில் உள்ள பி.எம்.ஆர் கல்லூரியில் பொறியியல் படிப்பை படித்த ஸ்வேதா ஆரம்பத்தில் ஒரு சில விளம்பர படங்களில் நடித்து வந்தார். அழகான தோற்றத்தினால் பின்னர் இவருக்கு, சினிமாவில் நடிக்கும் வாய்ப்பும் கிடைத்தது.

2007 -ஆம் ஆண்டு நடிகர் அஜித் நடிப்பில் வெளியான ’ஆழ்வார்’ திரைப்படத்தில் அவரின் தங்கையாக நடித்திருந்தார் ஸ்வேதா. முதல் படமே அஜித் படம் என்பதால், அடுத்த படத்திலேயே இவருக்கு கதாநாயகியாக நடிக்கும் வாய்ப்பு கிடைத்தது.

2008-ஆம் ஆண்டு சத்யா நடிப்பில் வெளியான ’வள்ளுவன் வாசுகி’ என்ற படத்தில் கதாநாயகியாக அறிமுகமானார். இதுவரை 9 திரைப்படங்களில் நடித்துள்ள ஸ்வேதா, இறுதியாக ஜெயம் ரவி நடிப்பில் வெளியான ‘பூலோகம்’ படத்திலும் நடித்திருந்தார்.

எதிர்பார்த்த வெற்றியை சினிமா கொடுக்கவில்லை என்றாலும், சின்னத்திரை நன்றாகவே கை கொடுத்தது. பிரபல சோப், நெய் விளம்பரங்களிலும் நடித்துள்ளார். பின்னர் 2009 ஆம் ஆண்டு சன் தொலைக்காட்சியில் ஒளிபரப்பான ‘மகள்’ என்ற தொடரில் முக்கிய கதாபாத்திரத்தில் நடித்தார். அதன் பின்னர் ’சந்திரலேகா’, தொடரில் நடித்தார். இத்தொடர் 5 ஆண்டுகளுக்கும் மேலாக வெற்றிகரமாக ஓடி சமீபத்தில் நிறைவடைந்தது.

கடந்த டிசம்பர் மாதம் முன்னாள் சன் மியூசிக் தொகுப்பாளர் மால் மருகாவை திருமணம் செய்துக் கொண்ட ஸ்வேதா தற்போது கர்ப்பமாக இருப்பது குறிப்பிடத்தக்கது.