எனக்கு வாய்ப்பு தர என் அம்மாவை அட்ஜஸ்ட் செய்ய சொன்னார்கள் - பகீர் கிளப்பிய செந்தூரப்பூவே ஸ்ரீநிதி

விஜய் டிவி-யில் ஒளிபரப்பாகி வந்த செந்தூரப்பூவே சீரியலில் ரோஜா அம்மாவாக நடித்தவர் நடிகை ஸ்ரீநிதி.

கேரள மாநிலம் திருவனந்தபுரத்தைச் சேர்ந்த இவர், 1999-ம் ஆண்டு ஆகஸ்ட் 22-ம் நாள் பிறந்தார்.

திருவனந்தபுரத்தில் தனது பள்ளிப்படிப்பை முடித்த இவர், சென்னையில் உள்ள கல்லூரி ஒன்றில் பட்டம் பெற்றார்.

’மலர்வாடி’ என்ற தொலைக்காட்சி சீரியல் மூலம் தான் முதலில் அறிமுகமானார் ஸ்ரீநிதி.

சன் லைப்பில் ஒளிபரப்பான ஜிமிக்கி கம்மல் தான் ஸ்ரீநிதியின் முதல் தமிழ் அறிமுகம். அதுமட்டுமல்லாமல் மலபார் லவ் 4, நிரமசக் 2 புகழ்பெற்ற ஆல்பங்களிலும்ன் ஸ்ரீநிதி நடித்துள்ளார்.

கலர்ஸ் தமிழ் தொலைக்காட்சியில் ஒளிபரப்பான, ‘தறி’ என்ற தொடரிலும் ஹீரோயினாக நடித்திருந்தார். தவிர ‘சயபென்சில்’ என்ற மலையாள படத்திலும், ‘நாங்களும் நல்லவங்க தான்’ என்ற தமிழ் படத்திலும் நடித்தார். ஆனால் சில காரணங்களால் இவ்விரு படங்களும் பாதியிலேயே நிறுத்தப்பட்டன.

விஜய் டிவி-யில் ஒளிபரப்பாகி வந்த செந்தூரப்பூவே சீரியலில் நடிகர் ரஞ்சித்துடன் இணைந்து நடித்திருந்தார் ஸ்ரீநிதி. சமீபத்தில் தான் அந்த சீரியல் முடிவுக்கு வந்தது.

இந்நிலையில் ஐபிசி மங்கை யூ-ட்யூப் சேனலின் இண்டர்வியூவில் பேசிய ஸ்ரீநிதி, தான் எதிர்கொண்ட கேஸ்டிங் கவுச் பற்றி பேசியுள்ளார்.

பள்ளியில் படித்துக் கொண்டிருக்கும் போது, மலையாள படம் ஒன்றின் செலக்‌ஷனுக்கு சென்றிருந்த போது, தனக்கு ஏற்பட்ட கசப்பான சம்பவத்தை அதில் பகிர்ந்துள்ளார்.

அட்ஜ்ஸ்ட்மெண்ட் செய்துக் கொள்ளும்படி அவர்கள் கேட்டதாகவும், மகளால் முடியவில்லை என்றால் அம்மா அட்ஜஸ்ட் செய்துக் கொள்ளலாம் என அவர்கள் சாய்ஸ் தந்ததாகவும், இதைக்கேட்டு அதிர்ச்சியடைந்த ஸ்ரீநிதியும் அவரது அம்மாவும் நாங்கள் அந்த மாதிரியான குடும்பத்தைச் சேர்ந்தவர்கள் இல்லை என அங்கிருந்து கிளம்பியதாகவும் குறிப்பிட்டுள்ளார்.

தவிர, தமிழ் சினிமா / சீரியல் வட்டாரத்தில் பெண்களுக்கு நல்ல மரியாதை தருவதாகவும் அவர் தெரிவித்துள்ளார்.