படையப்பா படத்தில் ரஜினியின் மகள்... இப்போது விஜய் டிவி சீரியல் நடிகை... யார் தெரியுமா?

படையப்பா படத்தில் ரஜினியின் இளையமகளாக நடித்தவர் தற்போது விஜய் டிவி மற்றும் ஜீ தமிழ் டிவி-யின் சீரியல் நடிகை என்றால் நம்ப முடிகிறதா?

ஆம் நீங்கள் நம்பித்தான் ஆகனும். அவர் வேறு யாருமில்லை தமிழும் சரஸ்வதியும் சீரியலில் சரஸ்வதியின் அம்மாவாக நடித்து வரும் அனிதா வெங்கட் தான் அவர்.

சூப்பர் ஸ்டார் ரஜினிகாந்த் நடிப்பில், கே.எஸ்.ரவிக்குமார் இயக்கத்தில் 1999-ஆம் ஆண்டு வெளியான ‘படையப்பா திரைப்படம் மாபெரும் வெற்றி பெற்றது. இந்தப் படத்தில் ரஜினிக்கு மகள்களாக இருவர் நடித்திருப்பார்கள். ஒருவர் விஜயகுமாரின் மகள் ப்ரீத்தா, இன்னொருவர் தான் அனிதா வெங்கட்.

இவர் படையப்பா படத்தில் நடித்ததற்கு முன்பாகவே, 1997 ஆம் ஆண்டு வெளியான ‘ஆஹா’ என்ற படத்தில் விஜயகுமாரின் மகளாக நடித்திருந்தார்.

நடிப்பதோடு பின்னணி பாடகியாக தமிழ் சினிமாவில் சில பாடல்களையும் பாடியுள்ளார். குறிப்பாக விஜய் சேதுபதியின் கருப்பன், ராகவா லாரன்ஸின் காஞ்சனா 2 உள்ளிட்டப் படங்களிலும் பாடியுள்ளார்.

ஆஹா படத்தில் நடித்துக் கொண்டிருக்கையில் ரஜினியை பார்க்க அனிதா வெங்கட்டை அழைத்துச் சென்றாராம் விஜய்குமார்.

அப்போது அனிதாவிடம் எனக்கெல்லாம் பொண்ணா நடிக்க மாட்டியா எனக் கேட்டாராம் ரஜினி. அப்படித்தான் படையப்பா படத்தில் நடிக்கும் வாய்ப்பைப் பெற்றாராம் அனிதா.

நடிப்பில் மட்டுமல்லாமல் பாடகியாகவும் வலம் வரும் அனிதா, 5000-க்கும் மேற்பட்ட மேடைகளில் பாடியுள்ளாராம்.

தற்போது விஜய் டிவி-யில் ஒளிபரப்பாகி வரும் தமிழும் சரஸ்வதியும் சீரியலில் சரஸ்வதியின் அம்மாவாக நடித்து வருகிறார்

அதோடு ஜீ தமிழ் டிவி-யில் ஒளிபரப்பாகி வரும் மாரி சீரியலிலும் நடித்து வருகிறார்.