கனவு நனவானது... எல்லையற்ற மகிழ்ச்சியில் பிக் பாஸ் ரச்சிதா மகாலட்சுமி!

பிக் பாஸ் ரச்சிதா தற்போது புதிய எம்.ஜி. ஹெக்டர் காரை வாங்கியுள்ளார்.

’சரவணன் மீனாட்சி' சீரியல் மூலம் சின்னத்திரை ரசிகர்களிடையே மிகவும் பிரபலமானார் நடிகை ரச்சிதா மகாலட்சுமி.

சில மாதங்கள் முன்பு கமல்ஹாசன் தொகுத்து வழங்கிய 'பிக் பாஸ் தமிழ் 6' நிகழ்ச்சியில் கலந்துக் கொண்டார்.

ஆர்வத்துடன் விளையாடிய அவர், 91-வது நாளில் வெளியேறினார். தவிர, பிக் பாஸ் வீட்டில் ஷிவினுக்கு நெருக்கமான தோழியாகவும் மாறினார்.

தற்போது புதிதாக எந்த சீரியலிலும் கமிட்டாகாத ரச்சிதா தனது இன்ஸ்டகிராமில் புகைப்படங்களை மட்டும் தவறாமல் பகிர்ந்துக் கொள்கிறார்.

அந்த வகையில் தற்போது புதிய எம்.ஜி, ஹெக்டர் காரை வாங்கியுள்ளார். ஷிவின், சீரியல் நடிகர் விஷ்ணு, டப்பிங் ஆர்டிஸ்ட் ஜிஜி ஆகியோருடன் ஷோரூமுக்கு சென்று, தனது மகிழ்ச்சியை பகிர்ந்துக் கொண்டுள்ளார் ரச்சிதா.

இதைப் பார்த்த ரசிகர்கள் ரச்சிதாவுக்கு தங்கள் வாழ்த்துகளை தெரிவித்து வருகின்றனர்.