சின்னத்திரைக்கு குட் பை சொல்லும் ’பாண்டியன் ஸ்டோர்ஸ்’ சீரியல் நடிகர்? காரணம் இதுவா?

பாண்டியன் ஸ்டோர்ஸ் சீரியலோடு சின்னத்திரைக்கு பை சொல்லும் முடிவில் குமரன் தங்கராஜன் இருப்பதாக செய்திகள் தெரிவிக்கின்றன.

விஜய் டிவியில் ஒளிபரப்பாகி வரும் பாண்டியன் ஸ்டோர்ஸ் சீரியலில் கதிர் கதாபாத்திரத்தில் நடித்து வருபவர் குமரன் தங்கராஜன்.

குமரன் தங்கராஜன் ஒரு டான்ஸர். ஜோடி நம்பர் 1 நிகழ்ச்சியில் பின்னணி நடன கலைஞராக பணியாற்றினார். பின்பு உங்களில் யார் அடுத்த பிரபுதேவா நிகழ்ச்சியில் போட்டியாளராக கலந்துக்கொண்டார்.

2015ல் விக்ரம் பிரபு, கீர்த்தி சுரேஷ் நடிப்பில் வெளியான ‘ இது என்ன மாயம்’ படம் மூலம் சினிமாவில் அறிமுகமானார்.

தற்போது பாண்டியன் ஸ்டோர்ஸ் சீரியலில் கதிராக நடித்து அனைவரின் மனதிலும் இடம் பிடித்துள்ளார் குமரன் தங்கராஜன்.

சில மாதங்கள் முன்பு எஸ்.ஜே.சூர்யா, லைலா உள்ளிட்டோருடன் குமரன் இணைந்து நடித்த வதந்தி வெப் சீரிஸ் நல்ல வரவேற்பைப் பெற்றது. தற்போது அவர் நடித்திருக்கும் மாய தோட்டா என்ற வலைத்தொடர் வெளியாகியுள்ளது.

வெப் சீரிஸ்களில் கவனம் செலுத்தத் தொடங்கியுள்ள குமரன், பாண்டியன் ஸ்டோர்ஸ் சீரியலுக்குப் பிறகு சின்னத்திரைக்கு குட் பை சொல்ல திட்டமிட்டுள்ளதாக தகவல்கள் தெரிவிக்கின்றன. அதாவது பாண்டியன் ஸ்டோர்ஸ் சீரியல் முடிந்ததும், சினிமா மற்றும் வலைத்தொடர்களில் முழு கவனம் செலுத்தவிருக்கிறாராம்.