புதிய சீரியலில் கமிட்டான சுஜிதா தனுஷ்... அப்போ பாண்டியன் ஸ்டோர்ஸ் தனம்?

பாண்டியன் ஸ்டோர்ஸ் தனம் ஜெமினி டிவி-யில் ஒளிபரப்பாகவிருக்கும் புதிய சீரியலில் நடிக்கவிருக்கிறார்.

விஜய் டிவி-யில் ஒளிபரப்பாகி வரும் சீரியல் பாண்டியன் ஸ்டோர்ஸ்.

மூர்த்தி - தனம், ஜீவா - மீனா, கதிர் - முல்லை, கண்ணன் - ஐஸ்வர்யா என நான்கு அண்ணன் தம்பிகளைப் பற்றிய கதையை மையப்படுத்தி இந்த சீரியல் இயக்கப்பட்டு வருகிறது.

இதில் பாண்டியன் ஸ்டோர்ஸ் குடும்பத்தின் மூத்த மருமகள் தனமாக நடித்து வருகிறார் சுஜிதா தனுஷ்.

தனது கொழுந்தனார்களுக்கு அம்மா ஸ்தானத்தில் இருந்து, அவர்கள் மகிழ்ச்சியாக இருக்க வேண்டும் என்பதை விரும்பும்படி அவரது கதாபாத்திரம் அமைந்துள்ளது.

குழந்தை நட்சத்திரமாக தனது திரை வாழ்க்கையை தொடங்கிய சுஜிதா, பல்வேறு படங்கள் மற்றும் சீரியல்களில் நடித்துள்ளார்.

இருப்பினும் பாண்டியன் ஸ்டோர்ஸ்  சீரியலின் தனம் கதாபாத்திரம் அவருக்கு மிகப்பெரிய புகழை பெற்று தந்துள்ளது.

இந்நிலையில் ஜெமினி டிவி-யில் ஒளிபரப்பாகவிருக்கும் கீதாஞ்சலி சீரியலில் நடிக்கவிருக்கிறார் சுஜிதா.

சன் டிவி-யில் ஒளிபரப்பாகும் செவ்வந்தி சீரியலின் ரீமேக் தான் இது.