மீண்டும் குட்டி தேவதை! - நீலிமாவின் கர்ப்பகால பராமரிப்பு

நீலிமாவின் கணவர் இசைவாணன் தமிழ் சினிமா துறையை சேர்ந்தவர். இருவருக்கும் திருமணமாகி 14 வருடங்கள் ஆகிறது.

இசைவாணன் - நீலிமா தம்பதிக்கு அதிதி என்னும் க்யூட்டான பெண் குழந்தை உள்ளது. ஜனவரி 5ஆம் தேதி நீலிமா இரண்டாவதாகவும் குட்டி தேவதைக்கு தாயாகியுள்ளார்.

நீலிமா கடவுள் பக்தி உடையவர். சீரியல்களில் வில்லியாக மிரட்டினாலும் நிஜத்தில் சாந்தமானவர். தன்மையாக தான் பேசுவார்.

கடந்தாண்டு செப்டம்பர் மாதம் , கர்ப்பமாக இருக்கும் மகிழ்ச்சியான விஷயத்தை ரசிகர்களிடம் இன்ஸ்டாவில் பகிர்ந்து கொண்டார் நீலிமா.  தன் கணவர் மற்றும் மகளுடன் இருக்கும் புகைப்படத்தை பகிர்ந்து ``இன்று எங்களுக்கு கல்யாண நாள். விரைவில் எங்கள் குடும்பத்துக்கு புது உறுப்பினர் வரப் போகிறார்’’ என்று பதிவிட்டிருந்தார்.

ஐந்து மாத கர்ப்பிணியாக கோவிட் தடுப்பூசி போட்டு கொண்டதை பகிர்ந்து, ``நான் தடுப்பூசி போட்டுக் கொள்ள பயந்தேன், ஆனால் கர்ப்பிணிகள் தடுப்பூசி போட்டுக் கொள்வது பாதுகாப்பானது. அவசியமானது’’ என்று குறிப்பிட்டிருந்தார்.

நீலிமா தன் கர்ப்பகால ஆரோக்கியம் குறித்து யூ டியூப் சேனலில் பகிர்ந்துள்ளார். கர்ப்ப கால சரும பராமரிப்பு, உடல் ஆரோக்கியம் போன்றவற்றை குறித்து விரிவாக பகிர்ந்திருக்கிறார்.

நீலிமாவின் ஸ்கின் கேர் ரொட்டினில் முதலிடத்தில் இருப்பது பசும்பால். ஜில்லென்ற பாலை முகம், கழுத்து முழுவதும் தேய்த்து மசாஜ் செய்து, ஐந்து நிமிடம் கழித்து நீரில் கழுவிவிடுவாராம். இது சருமத்தை பளபளப்பாகவும், வறண்டு போகாமல் பாதுகாக்குமாம்.

நீலிமா தன் டெலிவரிக்கு ஒரு மாதம் முன்னதாக வித்தியாசமான போட்டோஷூட் ஒன்றை வெளியிட்டார். அவரின் முதல் மெடர்னிட்டி போட்டோஷூட் அது.  அவரது தெய்வீக பாணியிலான அந்த மெட்டர்னிட்டி புகைப்படங்கள் வைரலானது.

கர்ப்பகாலத்தில் ஏற்படும் ஸ்ட்ரெச் மார்க்ஸ் போக கற்றாழையை பயன்படுத்தலாம் என்று குறிப்பிட்டுள்ளார் நீலிமா.

கீரைகளை அப்படியே அவித்து சாப்பிடுவது, மஷ்ரூம், குடை மிளகாய், பீன்ஸ், கேரட் போன்ற கலர்ஃபுல் பதார்த்தங்கள் ஆவியில் அவித்து சாலட் போல சாப்பிடுவது, என தன் கர்ப்ப காலத்தில் ஆரோக்கிய உணவு  வகைகளை மட்டும் தான் நீலிமா உட்கொண்டாராம்.

கர்ப்ப காலத்தில் நெல்லிக்காய் தேனூறல் தினமும் உட்கொள்வாராம். சிட்ரஸ் வகை பழங்களை ஜூஸாக எடுத்து கொள்வாராம்.

கர்ப்ப காலத்தில் பெண்களுக்கு ஏற்படும் mood swings -ஐ சமாளிக்க கணவரின் பங்களிப்பு அவசியம் என்கிறார். மனைவிக்கு பிடித்த விஷயங்கள் செய்தல், பிடித்த நபர்களை சந்திக்க வைத்தல், பாசிவ்வாக இருக்க வைப்பது போன்றவற்றை மனைவிக்காக கணவர் செய்ய வேண்டும் என்று தன் வீடியோவில் குறிப்பிட்டிருக்கிறார் நீலிமா.