விரைவில் முடிவுக்கு வரும் பிரபல விஜய் டிவி சீரியல்... சோகத்தில் ரசிகர்கள்!

விஜய் டிவி-யில் ஒளிபரப்பாகி வரும் மெளன ராகம் 2 சீரியல் விரைவில் முடிவடையவிருப்பதாக தகவல்கள் தெரிவிக்கின்றன.

மெளனராகம் சீரியல் வெற்றி பெற்றதையடுத்து அதன் இரண்டாம் பாகம் தற்போது விஜய் டிவி-யில் ஒளிபரப்பாகி வருகிறது.

2021 பிப்ரவரி 1-ம் தேதி முதல் இந்த சீரியல் ஒளிபரப்பாகி வருகிறது.

கார்த்திக் கிருஷ்ணாவின் மகள் சக்தியையும், மனைவி மல்லிகாவையும் அவரது இரண்டாவது மனைவி காதம்பரியும் மகள் ஸ்ருதியும் கொடுமைப்படுத்துவது தான் மெளனராகம் 2 சீரியலின் கதைகளம்.

இதில் சக்தியாக ரவீனா தாஹா, கார்த்திக் கிருஷ்ணாவாக ராஜிவ் பரமேஸ்வர், மல்லிகாவாக சிப்பி ரஞ்சித், ஸ்ருதியாக ஷில்பா உள்ளிட்டோர் நடித்து வருகின்றனர்.

சக்தி வருணை திருமணம் செய்த நிலையில், வருணின் தம்பி தருணை திருமணம் செய்து அம்மா காதம்பரியுடன் பிரச்னைகளை செய்து வருகிறாள் ஸ்ருதி.

இந்நிலையில் தற்போது மெளன ராகம் 2 சீரியல் விரைவில் கிளைமேக்ஸை எட்டவிருப்பதாக தகவல்கள் வெளியாகியுள்ளன.

இது அந்த சீரியல் ரசிகர்களுக்கு சோகத்தை ஏற்படுத்தியுள்ளது.