கல்யாணத்திற்கு பிறகு ஒரே தத்துவம் தான்.. ஆடி காருடன் அசால்ட் செய்யும் மகாலட்சுமி!

ஆடி காருடன் மகாலட்சுமி வெளியிட்ட புகைப்படங்களுக்கு லைக்ஸ்கள் குவிந்து வருகின்றன.

விஜே, சீரியல் நடிகை என அறியப்படும் மகாலட்சுமி கடந்த செப்டம்பர் மாதம் தயாரிப்பாளர் ரவீந்தரை 2வது திருமணம் செய்து கொண்டார். மகாலட்சுமிக்கு ஏற்கெனவே 6 வயதில் மகன் இருக்கிறார். இப்படி இருக்கையில் மகனின் சம்மத்துடன் 2வது திருமணம் செய்தார் மகா. இது காதல் திருமணம் ஆகும்.

ரவீந்தர் - மகாலட்சுமி திருமணத்திற்கு பிறகு இணையத்தில் ஏகப்பட்ட சர்ச்சை கருத்துக்கள் முன் வைக்கப்பட்டன.

எல்லா கேள்விகளுக்கும் கூலாக பதிலளித்த இந்த ஜோடி தங்களது இன்ஸ்டா பக்கத்தில் திருமணத்திற்கு பிறகு எடுத்துக் கொண்ட ரொமான்ஸ் புகைப்படங்களை வெளியிட்டு 90ஸ் கிட்ஸ்களை வெறுப்பேற்றினர்.

திருமணத்திற்கு பிறகு டின்னர், ஃபைலைட் பயணம், திருச்செந்தூர் விசிட், தாலி பெருக்கு என மகாலட்சுமி - ரவீந்தர் இன்ஸ்டா பக்கத்தில் ஃபோட்டோக்கள் குவிந்தன.

ரவீந்தர் - மகாலட்சுமி ஏற்கெனவே அளித்த பேட்டி ஒன்றில் மகாவிடம் ஆடி கார் இருப்பதாக ரவீந்தர் கூறி இருந்தார்.

இந்நிலையில் ஆடி காருடன் இருக்கும் புகைப்படத்தை மகாலட்சுமி தனது இன்ஸ்டாவில் ஷேர் செய்துள்ளார்.

அந்த பதிவில் “ஆசை மட்டும் படாதீர்கள் அதற்காக கடினமாக உழையுங்கள்” என்ற கேப்ஷனுடன் மகாலட்சுமி அந்த புகைப்படங்களை ஷேர் செய்துள்ளார்.