6வது மாதம்.. என் வாழ்க்கையின் அர்த்தம் நீ... ஸ்பெஷல் தினத்தை கொண்டாடிய மகாலட்சுமி ரவீந்தர்!

சீரியல் நடிகை மகாலட்சுமியும், அவரது கணவர் ரவீந்தர் சந்திரசேகரனும் தங்களது 6-வது மாத திருமண நாளை சிறப்பாகக் கொண்டாடியிருக்கிறார்கள்.

சின்னத்திரை நடிகை மகாலட்சுமியை காதலித்து திருமணம் செய்துக் கொண்டார் லிப்ரா புரொடக்‌ஷன் தயாரிப்பாளர் ரவீந்தர் சந்திரசேகரன்.

இவர்களின் திருமணம் கடந்த வருடம் செப்டம்பர் 1-ம் தேதி திருப்பதியில் நடந்தது.

மகாலட்சுமிக்கு முன்பே அனில் என்பவருடன் திருமணமாகி, சச்சின் என்ற மகன் இருக்கிறான். பின்னர் அவர்கள் இருவரும் பிரிந்தனர்.

ரவீந்திரனும் ஏற்கனவே திருமணமாகி விவாகரத்தானவர். அதன்படி இவர்கள் இருவருக்கும் இது இரண்டாவது திருமணம்.

இந்நிலையில் தற்போது தங்களின் 6-வது மாத திருமண நாளை சிறப்பாகக் கொண்டாடியிருக்கிறார்கள் மகாலட்சுமி ரவீந்திரன் தம்பதி.

தற்போது You & Me எனக்குறிப்பிட்டு புகைப்படம் ஒன்றை இன்ஸ்டகிராமில் வெளியிட்டு, ”6வது மாத அனிவர்சரி, மகாலட்சுமி - வாழ்க்கையின் அர்த்தம் மற்றும் என் வாழ்க்கையை மகிழ்ச்சியாகவும் அன்பாகவும் மாற்றியவர். திருமதி ரவி - என் உலகம்” எனத் தெரிவித்துள்ளார் ரவீந்தர்.

அதில், “ஹேப்பி அனிவர்சரி மை பேபி, மை எவ்ரிதிங்” என கமெண்ட் போட்டுள்ளார் மகாலட்சுமி.