Mahalakshmi Ravindar: எல்லாம் உன்னால் தான்... குட் நியூஸ் சொன்ன மகாலட்சுமி ரவீந்தர்!

தாங்கள் திருமணம் செய்து 100 நாட்கள் ஆன குட் நியூஸோடு, அதை சிறப்பாகக் கொண்டாடியிருக்கிறார்கள் மகாலட்சுமி ரவீந்தர் தம்பதி.

சின்னத்திரை நடிகை மகாலட்சுமியை காதலித்து திருமணம் செய்துக் கொண்டார் லிப்ரா புரொடக்‌ஷன் தயாரிப்பாளர் ரவீந்தர் சந்திரசேகரன்.

இவர்களின் திருமணம் கடந்த செப்டம்பர் 1-ம் தேதி திருப்பதியில் நடந்தது.

இவர்கள் இருவருக்கும் இது இரண்டாவது திருமணம்.

மகாலட்சுமிக்கு முன்பே அனில் என்பவருடன் திருமணமாகி ஒரு ஆண் குழந்தை உள்ளது. பின்னர் இருவரும் பிரிந்தனர்.

ரவீந்தரும் தனது மனைவியைப் பிரிந்து தனியே வாழ்ந்து வந்தார்.

இந்நிலையில் தற்போது தாங்கள் திருமணம் செய்து 100 நாட்களைக் கடந்துவிட்டதாக ஃபோட்டோவுடன் பதிவிட்டுள்ளார் ரவீந்தர். “100 நாட்கள் முடிந்தது.. யெஸ்!! அம்மு இந்த 100 நாள் பதிவுக்கு நல்லதொரு தலைப்பை எழுத என்னால் முடிந்த அளவு முயற்சி செய்தேன்.. என்னால் நாடகமாக எழுத முடியவில்லை.. நான் நினைப்பதை எழுதுகிறேன். அம்மு..37 வருடங்களுக்குப் பிறகு.. ஒவ்வொரு நொடியிலும் 100 நாட்கள் மகிழ்ச்சியாக வாழ்ந்தேன்.. அதிக அன்பு, அக்கறை, வேடிக்கை, சண்டை என என்னை நகர்த்திக்கொண்டே இரு. வாழுறேன் அம்மு சந்தோசமா உன்னால” எனக் குறிப்பிட்டுள்ளார்.

அதற்கு, “வாழ்வோம் அம்மு சந்தோசமா” எனப் பதிவிட்டுள்ளார் மகாலட்சுமி.