அதெல்லாம் நம்பாதீங்க.. மகாலட்சுமி ஆடி கார் வச்சி இருக்காங்க! போட்டு கொடுத்த ரவீந்தர்

மகாலட்சுமி - ரவீந்தர் திருமணத்திற்கு பிறகு இருவரின் இன்ஸ்டா ஃபாலோவர்ஸ்கள் எண்ணிக்கையும் அதிகரித்துள்ளது.

இது தவிர மகாலட்சுமி - ரவீந்தர் ஜோடியாக யூடியூப்பில் அளித்த பேட்டிகளும் ட்ரெண்டிங்கில் உலா வருகின்றன.

நியூஸ் சேனல், யூடியூப் சேனல் என ஒவ்வொரு பேட்டியிலும் இதுவரை பலருக்கும் தெரியாத நிறைய விஷயங்களை இருவரும் ஷேர் செய்து வந்தனர்.

மகாலட்சுமியை அவரின் ரசிகர்களுக்கு சன் மியூசிக் விஜே என்று மட்டும் தான் தெரியும். இதுத்தவிர சமீபகாலமாக சீரியலில் நடித்து வருவதால் அவர் சீரியல் நடிகையாகவும் அறியப்பட்டார்.

ஆனால் சமீபத்தில் அவர் கொடுத்த பேட்டியில் தான் மகாலட்சுமி தமிழ், தெலுங்கு சினிமாவில் கலக்கி கொண்டிருக்கும் சங்கர் ஐயாவின் மகள் என்பது அனைவருக்கும் தெரிய வந்தது. அதுமட்டுமில்லை சங்கர் ஐயா பெங்காலியில் இயக்கிய திரைப்படமும் சூப்பர் டூப்பர் ஹிட்.

அதே போல் மகாலட்சுமி 2வது திருமணத்தை பற்றியும் அவரின் முதல் கணவர் பற்றியும் பலரும் கடுமையாக விமர்சித்து இருந்தனர். அதற்கு பதில் கூறிய மகா, முதல் கணவர் 1 வருடத்திற்கு முன்பே திருமணம் செய்துக் கொண்டு வாழ்க்கையை தொடங்கி விட்டார். நான் தான் மகனுக்காக இத்தனை வருஷமாக கல்யாணமே வேண்டாம் என்று இருந்தேன் என கூறி ஷாக் கொடுத்தார்.

இந்நிலையில் மகாலட்சுமி - ரவீந்தர் இருவரும் அளித்த மற்றொரு பேட்டி ஒன்றில் திருமணத்திற்கு பிறகு மகாலட்சுமிக்கு ரவீந்தர், பெரிய பங்களா, ஆடி கார், நகை பரிசளித்ததாக வெளியான தகவல் பற்றி கேட்கப்பட்டது.

அதற்கு பதில் அளிக்கும் விதமாக ரவீந்தர், மகாலட்சுமியிடம் ஏற்கெனவே ஆடி கார் இருக்கு என ரசிகர்களிடம் போட்டு கொடுத்தார்.

அதே போல் மகாவுக்கு அவங்க வீட்ல நிறைய சேர்த்து வச்சி இருக்காங்க, எனக்கு கல்யாணத்துல 2 மோதிரம் தான் போட்டாங்க என்றும் க்யூட்டாக மகாவை கலாய்த்து இருக்கிறார்.