ஒரே நாளில் சூர்யவை மாற்றிய வெண்ணிலா.. காற்றுக்கென்ன வேலி சீரியலில் சரியான ட்விஸ்ட்!

காற்றுக்கென்ன வேலி சீரியல் இந்த கால இளைஞர்களுக்கு ஏற்ற வகையில் கல்லூரி கதை அம்சத்துடன் ஒளிப்பரப்பாகி வருவதால் இளைஞர்களின் ஃபேவரெட் சீரியல் லிஸ்டில் இடம்பெற்றுள்ளது. . பல தடைகள் வந்தாலும் அதனை உடைத்து எறிந்துவிட்டு, படித்தே தீர வேண்டும் என்கிற நினைப்பில் இருக்கும், ஒரு சாதாரண பெண்ணின் கதையை மையமாக வைத்து எடுக்கப்பட்டு வரும் இந்த சீரியலில் தற்போது வெண்ணிலா - சூர்யா காதல் காட்சிகள் இணையத்தில் பயங்கர ஹிட்.

வில்லி மீனாட்சி சாரதாவை மொத்தமாக அனுப்பி விட வேண்டும் என்று நினைத்தார். ஆனால் கடைசியில் சாரதாவுடன் வெண்ணிலாவும் தற்போது அதே வீட்டில் தங்கியுள்ளனர். வெண்ணிலா வந்தது சூர்யாவுக்கு பயங்கர ஹாப்பி.

இந்நிலையில், சூர்யாவின் சித்தியும் அண்ணியும் சேர்ந்து வெண்ணிலாவுடன் சூர்யாவை டெல்லிக்கு அனுப்பி வைத்துள்ளனர். டெல்லியில் நடக்கும் மிகப் பெரிய பேச்சு போட்டியில் கலந்து கொள்ள சூர்யாவின் கல்லூரி சார்பாக வெண்ணிலா சென்றுள்ளார்.

இருவரும் அங்கிருக்கும் பல இடங்களை சேர்ந்து சுற்றி பார்க்கின்றனர். அதுமட்டுமில்லை, அவ்வப்போது இருவருக்கும் இடையில் ரொமான்ஸ் காட்சிகளை இயக்குனர் புகுத்தி இளைஞர்களை கவர்ந்து வருகிறார்.

தற்போது வெளியாகி இருக்கும் இருக்கும் புரமோவில், சூர்யா வீட்டில் இருக்கும் அனைவருக்கும் ஷாப்பிங் செய்யும்படி வெண்ணிலாவிடம் கூறுகிறார்.

ஆனால் அப்போது கூட சாரதா அம்மாவை பற்றி சூர்யா பேசவில்லை. உடனே வெண்ணிலா, சூர்யாவிடம் சாரதா அம்மாவுக்கு எதாவது வாங்கலாம் என்கிறார். இவ்வளவு நாளாக சாரதா அம்மாவை வெறுத்து ஒதுக்கிய சொந்த மகன் சூர்யா, வெண்ணிலா பேச்சை கேட்டு உடனே சரி என்கிறார். இது வெண்ணிலாவுக்கும் மிகப் பெரிய சர்ப்பிரைஸாக இருக்கிறது.