சீரியலில்தான் வில்லங்க மாமியார்.. எதிர்நீச்சல் விசாலாட்சியின் அமெரிக்க மருமகள் இவர்தான்!

நடிகை சத்யபிரியாவின் குடும்பப் படம் பார்வையாளர்கள் கவனத்தை ஈர்த்துள்ளது.

தமிழ், தெலுங்கு, மலையாளம், கன்னடம், இந்தி ஆகிய மொழிகளில் 350-க்கும் அதிகமான படங்களில் நடித்தவர் நடிகை சத்யபிரியா.

குணச்சித்திரம், வில்லி என இருவேறு பரிணாமங்களில் தனது திறமையை நிரூபித்துள்ளார்.

புதிய பாதை, பாட்ஷா, ரோஜா, சூர்யவம்சம், சின்ன கவுண்டர், படையப்பா, ஃப்ரெண்ட்ஸ், ஏழுமலை என பல வெற்றிப் படங்களில் நடித்துள்ளார்.

நடிப்பதோடு மட்டுமல்லாமல், தமிழ் மற்றும் தெலுங்கில் பிற நடிகைகளுக்கு டப்பிங்கும் பேசியுள்ளார். 90-களின் இறுதியில் சீரியல்களில் நடிக்கத் தொடங்கிய சத்யப்ரியா இதுவரை 30-க்கும் மேற்பட்ட சீரியல்களில் நடித்துள்ளார். தற்போது சன் டிவி-யின் எதிர்நீச்சல் சீரியலில் விசாலாட்சியாக நடித்து வருகிறார்.

சத்யப்ரியாவுக்கு ஒரு மகனும், மகளும் இருக்கிறார்கள். குறிப்பாக வாஷிங்டன்னில் வேலை பார்த்த போது நியூஜெர்ஸியை சேர்ந்த பெண்ணை காதலித்து மணந்துள்ளார் சத்யப்ரியாவின் மகன்.

தற்போது அவர்களின் குடும்பப் படங்கள் இணையத்தில் வெளியாகி கவனம் ஈர்த்து வருகிறது.