விஜய் டிவி சீரியலை விட்டு விலகிய திவ்யா கணேஷ்

செல்லம்மா தொடரில் இருந்து விலகியிருக்கிறார் நடிகை திவ்யா கணேஷ்.

விஜய் டிவி-யில் ஒளிபரப்பாகி வரும் பாக்கியலட்சுமி சீரியலில் ஜெனி என்ற கதாபாத்திரத்தில் நடித்து வருபவர் நடிகை திவ்யா கணேஷ்.

அதோடு அந்த சேனலின் செல்லம்மா சீரியலில் மேகாவாகவும் நடித்து வந்தார்.

சன் டிவி-யில் ஒளிபரப்பான, ‘கேளடி கண்மணி’ சீரியல் மூலம் சின்னத்திரை நடிகையான இவர், அதன் பிறகு சுமங்கலி, மகராசி ஆகிய சீரியல்களிலும் நடித்தார்.

ராமநாதபுரத்து பெண்ணான திவ்யா, வளர்ந்தது படித்தது எல்லாம் அங்கு தான்.

சட்டம் படிக்க சென்னை வந்த திவ்யாவுக்கு எதேச்சயாக சீரியலில் நடிக்கும் வாய்ப்பு கிடைத்திருக்கிறது.

பின்னர் சீரியல்களில் நடிக்க ஆரம்பித்த இவருக்கு பாக்யலட்சுமி சீரியலின் ஜெனி கதாபாத்திரம் நல்ல வரவேற்பைப் பெற்று தந்துள்ளது.

இந்நிலையில் தற்போது செல்லமா சீரியலில் இருந்து விலகியிருக்கிறார் திவ்யா கணேஷ். அவருக்கு பதில் ஷ்ரேயா சுரேந்திரன் என்பவர் அந்த கதாபாத்திரத்தில் ஒப்பந்தமாகியுள்ளார்.