புது சீரியல்.. சூப்பர் ரோல்.. ஹீரோயினாக களமிறங்கும் தமிழும் சரஸ்வதியும் சீரியல் வசு?!

தமிழும் சரஸ்வதியும் சீரியலில் இருந்து விலகிய நடிகை தர்ஷ்னா ஸ்ரீபால், சன் டிவி-யின் புதிய சீரியலில் லீட் ரோலில் நடிப்பதாக தகவல்கள் வெளியாகியிருக்கின்றன.

வட இந்தியாவை சேர்ந்த தர்ஷ்னா தொகுப்பாளினியாக இருந்து, சீரியல் நடிகையானவர். வளர்ந்தது, படித்தது எல்லாமே திருச்சியில் தான்.

6 வருடங்களுக்கு முன்பு ஃபேஷன் டிசைனிங்க்காக சென்னை வந்த தர்ஷ்னா, பல நிறுவனங்களில் வேலை செய்துள்ளார்.

சன் டிவி-யில் ஸ்டைலிஷ் டிசைனர் வாய்ப்பு கேட்டு விண்ணப்பித்துள்ளார். ஆனால் அவருக்கு காம்பியரிங் சான்ஸ் கிடைத்துள்ளது. அப்படியே சித்தி 2 சீரியலில் ராதிகாவின் மகள் யாழினியாக நடிக்கும் வாய்ப்பு கிடைத்தது.

பின்னர் தர்ஷ்னாவுக்கு விஜய் டிவி-யின் தமிழும் சரஸ்வதியும் சீரியலில் வசுந்தரா (வசு) என்ற கதாபாத்திரத்தில் நடிக்கும் வாய்ப்பு கிடைத்தது. இந்த கதாபாத்திரம் ரசிகர்களிடம் படு வரவேற்பைப் பெற்ற நிலையில், சமீபத்தில் அதிலிருந்து விலகினார் தர்ஷ்னா.

இந்நிலையில் அவர் தாய் வீடான சன் டிவி-க்கு திரும்பியிருப்பதாக தகவல்கள் தெரிவிக்கின்றன. அங்கு ஒளிபரப்பாகவிருக்கும் புதிய சீரியலில் லீட் ரோலில் அவர் நடிப்பதாகக் கூறப்படுகிறது.