குக் வித் கோமாளியில் 3வது இடம்...அம்மு அபிராமி யாருக்கு நன்றி சொன்னார் தெரியுமா?

குக் வித் கோமாளி சீசன் 3 ஃபைனல்ஸ் கடந்த ஞாயிற்றுக்கிழமை விஜய் டிவியில் டெலிகாஸ்ட் ஆகியது.

டெலிகாஸ்ட் ஆவதற்கு முன்பே இந்த சீசனின் வெற்றியாளர் யார்? ரன்னர் அப் யார்? என்ற தகவலும் இணையத்தில் பரவின. இருப்பினும் டெலிகாஸ்ட் ஆன பின்பு முதல் 3 இடங்களை பிடித்தவர்களின் பெயர்கள் உறுதியாக தெரிந்து விட்டன.

இதில் அம்மு அபிராமிக்கு 3வது இடம். அதாவது அவருக்கு 2வது ரன்னர் அப் என பட்டத்துடன் ட்ரோஃபியும் வழங்கப்பட்டது. இந்நிலையில் நேற்றைய தினம் அம்மு அபிராமி அனைவருக்கும் நன்றி கூறி முழு நீள பதிவை வெளியிட்டுள்ளார்.

அதில் முதலில் இந்த நிகழ்ச்சியில் கலந்து கொள்ள உதவிய சூப்பர் சிங்கர் பிரபலம் ஆனந்த் அரவிந்துக்கு நன்றி கூறியுள்ளார். அதனை தொடர்ந்து அவருக்கு இந்த நிகழ்ச்சி முழுவது குக்கிங்குக்கு ட்ரெயின் செய்த செஃப் கென்னோஸ் என்பவருக்கும், அவர் அக்கா என செல்லமாக அழைக்கும் ரத்து என்பவருக்கும் தனது மனமார்ந்த நன்றியை கூறியுள்ளார். ரத்து தான் அம்முக்கு சமையல் டிப்ஸ்களை சொல்லி கொடுத்து இருக்கிறார்.

இறுதியாக அந்த பதிவில் தனது அப்பா, அம்மா, தம்பி மற்றும் ரசிகர்கள், செஃப் என அனைவருக்கு அம்மு நன்றி கூறி இருக்கிறார்.

இதுமட்டுமில்லை மற்றொரு பதிவில் குக் வித் கோமாளியில் அவருடன் ஜோடி சேர்ந்த ஒவ்வொரு கோமாளிகளுக்கும் தனித்தனியாக நன்றி கூறி இருக்கிறார்.

குரேஷி தொடங்கி அதிர்ச்சி அருண், ரக்‌ஷன், புகழ் என ஒவ்வொருவரையும் டேக் செய்து அம்மு அபிராமி நன்றி கூறியிருக்கிறார். இந்த பதிவு இணையத்தில் வைரலாகி வருகிறது.